१ माघ, बाँपिझ्यला, दोलखा । संस्थाको बाहौं साधारण सभा तथा पुरस्कार वितरण कार्यक्रममा बिष्णुलक्ष्मी तुलसीमाया साहित्य सम्मानबाट दोलखाका समाजसेवी साहित्यकार अमनकुमार प्रधान सम्मानित हुनु भएका छन् । भीमेश्वर नगरपालीका वडा नं. २ स्थायी घर भई हाल ललितपुर झम्सीखेल बस्र्दै आउनु भएका अमरकुमार प्रधानलाई बिष्णुलक्ष्मी साहित्यिक पुरस्कार बाट सम्मान गरिएको हो ।
बिष्णुलक्ष्मी साहित्यिक पुरस्कार समितिका अध्यक्ष विष्णु सुवेदीको अध्यक्षताता, भीमेश्वर नगरपालीकाका नगर प्रमुख ईस्वरनारायण मानन्धरको प्रमुख आतिथ्यमा सम्पन्न उक्त कार्यक्रममा प्रधानलाई नगद रासी र सम्मानपत्र द्वारा सम्मान गरिएको हो । सम्मानित प्रधान दोलखाको साहित्यक क्षेत्रमा अग्रणी मानिन्नु हुन्छ । र लामो समयदेखि साहित्य क्षेत्र अनी दोलखाको ईतिहास सम्वन्धमा कलम चलाउदै आउनु भएको छ ।
नेपाल प्रेश काउन्सीलका सदस्य एवं बरिष्ठ पत्रकार चिरञ्जीवी मास्केले जन्मदिने आमा तुलसीमाया र पालनपोषण गरी शिक्षा दिने आमा बिष्णुलक्ष्मीको स्मृतिमा आफ्नो जन्मदिनको अवसर पारेर प्रत्येक बर्षको माघ १ गते बिष्णुलक्ष्मी तुलसीमाया साहित्य सम्मान प्रदान गर्दै आएका छन् । यसै गरी उक्त सम्मान कार्यक्रममा कार्यक्रममा प्रदेय पुस्तक पनि सार्वजनिक गरिएको छ ।
बिष्णुलक्ष्मी साहित्यिक पुरस्कार समितिले आयोजना गरेको पुरस्कार बितरण तथा प्रदेय वर्ष पत्रिका सार्वजनिक कार्यक्रममा प्रमुख जिल्ला अधिकारी टुवराज पोखरेल, भीमेश्वर नगरपालिकाका नगर उपप्रमुख कमला बस्नेत, भीमेश्वर नगरपालीका वडा नं. २ का वडाध्यक्ष स्टालिन श्रेष्ठ सहित विभिन्न श्रष्टा संस्थाका प्रतिनिधि र श्रष्टाहरुको सहभागिता थियो ।
