बाँपिझ्याला, येँ । ‘तपस्वी’ रामबहादुर बम्जनविरुद्ध पुलिसकु मेवु निस्गुर जाहेरी परई जुर । आमे विरुद्ध बाराकु स्याङ (हत्या) अपहरण आले बेपत्ता सम्बन्धी जाहेरी दर्ता जुउ बाराय एसपी भाजु सुरेश काफ्लेन् सिके दिरहिन् ।
निजगढ नगरपालीका वडा ल्याखाः १२ य खुमजोरय आश्रमलान् बम्जनन् सुरेश कुमार आले त बेपत्ता यङ दोष दमु । सिमरा उप महानगरपालिका वडा ल्याखाः १५ वडहर्वा छेँ जुउ ३४ दँय आले छेँय परिवारन आम्त अपहरणन्ली बेपत्ता यङ हङन् म्वालीख्वालीय लागिन् पुलीसकु जाहेरी विए खँ पित हाखेन तरै ।
सुरेश कुमार आले २०७२ लान्ली स्वापुकु मोचो । बम्जन न रिता बोट त स्याङ य दोष दमु । सर्लाहीय् बागमती नगरपालिका वडा ल्याखाः १२ छेँ जुउ रिताय् बाराय् आश्रमकु स्यात्चु हङन पिरकु चोन्गु परिवारजन न परिवारले किटानी जाहेरी विय खेउ ।
२०७५ दँकु आले व बोटय् परिवारन् म्वालीख्वाली खोईथद हङ निवेदन विय खेउ । लिवि जाहेरीय् भरकु म्वालीख्वाली व कानूनय खँपेन हाखेन हिल्गु खेउ हङ काफ्ले न् थउ खँ सिके दिरहिन् ।
बम्जन आउ बलात्कार मुद्धाय पुर्पक्षय् लागीन कारागार ज्यकुठी सर्लाहीकु कुङन तरै । वन्गु २६ पुसकु न्यायाधीश विष्णुप्रसाद रेग्मीन् आम्त कुईत आदेश विय खेउ । वय वारेकु खेउ व मेखेउ खँ हाती खेउ हङन म्वालीख्वाली त थनुकेसी कुङन तरै । गुली मिन देउ हतै हर्स गुली मिन मखे हतै वय वास्तविक व खेउ खँ पित काई मल ।
