१४ पुष, बाँपीझ्याला, दोलखा । भिमेश्वर नगरपालिका वडा नं. ५ को आयोजना तथा बुढाभीमसेन सिर्जनसिल युवा क्लबको सहआयोजनामा आजबाट प्रथम अध्यक्ष कप फुटबल प्रतियोगिता शुरु भएको छ । यसरी आज शनिबारदेखि वडाको आफ्नै बुढाभिमसेन खेलमैदानमा जिल्लाका १९ वटा माध्यमिक विद्यालयको सहभागितामा फुटबल प्रतियोगिता शुरु भएको छ भनी वडाध्यक्ष बासु श्रेष्ठले बताउनु भयो ।
प्रतियोगिताको उद्घाटन बागमती प्रदेश सदस्य भरत बहादुर केसीले गरेका हुन । प्रतियोगितामा विजेता हुने टिमलाई नगद ७५ हजार सहित शिल्ड, मेडल र प्रमाण पत्र तथा उप– विजेता टिमले नगद ३५ हजार सहित शिल्ड, मेडल र प्रमाणपत्र प्राप्त गर्नेछन । अध्यक्ष कप फुटबल प्रतियोगिता पौष १४ देखि १७ गते सम्म संचालन हुनेपनी वडाध्यक्ष श्रेष्ठले बताउनु भयो ।
यसरी हुन गईरहेको खेलको उद्घाटन सत्र भिमेश्वर नगरपालीका वडा नं. ५ का अध्यक्ष बासु श्रेष्ठको अध्यक्षतामा आयोजना सम्पन्न भएको हो ।
