२ पौष, बाँपीझ्याला, काठमाण्डौं । नेपाल सुपर लिग (एनएसएल) फुटबलमा सोमबार काठमाडौं रेजर्स र धनगढी एफ.सी.भिड्नेछन् । खेल साँझ ६ बजे दशरथ रंगशालमा हुनेछ ।
रंगशालामा आइतबार त्रिभुवन विश्वविद्यालयको दीक्षान्त समारोह आयोजना गरिएकाले हिजो हुनुपर्ने धनगढी र काठमाडौंको खेल आजका लागि सारिएको हो ।
आजको खेल जित्दै धनगढी अंक तालिकामा आफ्नो अग्रता बलियो पार्न चाहन्छ । तर काठमाडौं पनि आजको खेल जित्दै शीर्ष स्थानको धनगढी र पोखरामाथि दबाब बढाउने योजनामा रहेको छ ।
लिगमा ६ खेलबाट पोखराको ११ अंक छ भने एक खेल कम खेलेको धनगढीको पनि समान ११ अंक छ । १० अंक जोडेको ललितपुर सिटी तेस्रो स्थानमा रहँदा चौथो स्थानको काठमाडौं रेजर्सको ८ अंक छ ।
