२७ तिथी, मंसिर, बाँपीझ्याला येँ । लुम्बिनी प्रदेशकु मिसामी कर्मचारीपिस्त थिमजिउ (महिनावारी) जुर्ङ विदा विईरी जुयन चोन । भदउ २२ तिथीकु प्रदेशसभालान् पास जुउ प्रदेश निजामती सेवासम्बन्धी विधेयक प्रदेशय मुलमी भाजु अमिक शेरचनन् २१ तिथी मंसिर लाकु दशी प्रमाणीत यङन तरै ।
आमु ऐनय दफा ११७ य (१) (ग) कु थिमजिउ विदा “महिनावारी बिदा” विदाय व्यवस्था चोयन तरै । गुली न्हि विदा विईरी हङ बारेकु नियमावलीकु तोकेङन पित हायौं । उ विदा लागूरी सरकार न नियामावली दकेन्ली जुकुन उ विदाय कार्यान्वयन जुएउ हङ खँ सिदत ययन चोन ।
मिसामी अधिकारकर्मी रुवी खान्न महिनावारीय व्यलाकु विदातु विईरी उपयुक्त मोजु हङन थउ खँ पित हायन तरै । नेपालकु गत्केङ विदापेन दयलागिन् उ विदा विई “मजिउ” जुउ ताक्कु विदा विईरी उ सस्तो नामजाउ नाराकु जुकुन सिमित जुईरी खेङ हङ खानय थउ खँ दमु ।
नेपालय् मिसामिपिसिन् प्याटमारी जुईरी व्यलाकु टुल्लेङ ज्य यङन चोनहिन् हर्स थिमजिउ जुर्ङ विदाकु चोई माबाल हङन खान न हत्चु । ईथि मिसामिपिसिन् “मजिउ” जुर्ङ विदा विई मल हङन फोङ मदर्सङ सरकार न थउ नाम जाकेईए लागिन् विदा वियन तरै हङ सांसद खान न सरकार त दोष विएन् दिरहिन् ।
बरु ईथि “मजिउ” जुईकु विदा विर्सङ मिसामीपे मुद्धाकु गिविङ थात कोत मयङन निष्पक्ष जुयन संवेदनसिल जुईरी जरुरी दमु हङन दिए खँ सिदत ययन चोन ।
