२५ मंसिर, बाँपीझ्याला, दोलखा । नेकपा एमालेका अध्यक्ष केपी शर्मा ओली सहितका शीर्षस्थ नेताहरु दोलखा पुगेको छ । बैतडीको झुलाघाटदेखि पाँचथरको चिवाभञ्ज्याङसम्म ‘समृद्धिका लागि संकल्प यात्रा’ कार्यक्रम अन्र्तगत अध्यक्ष ओली सहितका एमालेका विशिष्ठ नेताहरुलाई दोलखामा स्वागत गरिएको हो ।
यसरी दोलखा पुगेका अध्यक्ष ओलीको साथमा बरिष्ठ उपाध्यक्ष ईश्वर पोख्रेल, महासचिव शंकर पोखरेल, उपाध्यक्ष युवराज ज्ञवाली, सुरेन्द्र पाण्डे, अष्ठलक्ष्मी शाक्य, विष्णु पौडेल लगायतका केन्द्रीय नेताहरुको सहभागिता रहेको छ । आज काभ्रेपलाञ्चोक हुँदै दोलखा आएका हुन् ।
अध्यक्ष ओली खरिढुंगामा खाना खाई चर्नावतीमा भेटघाट कार्यक्रममा सहभागी हुनुभएको छ । सो भेटघाटपछि भीमेश्वर नगरपालीका वडा नम्बर ६ ले आयोजना गरेको कार्यक्रममा सहभागिता भई खरीढुंगाको प्राकृतिक दृश्य नेतागण सहितको टिमले अवलोकन गरी सदरमुकाम चरिकोट पुगी कार्यक्रममा सहभागी हुनु भएको छ ।
यसरी अध्यक्ष चरिकोट बेलुकी ५ बजे मात्र आईपुग्नुभएको हो । तर १ बजे चरिकोट पुग्ने कार्यक्रम रहेको थियो ।
