काँठा स्वयेन् क्वँस कोत छ्वइमल हकुजु बाजेबराजुपिसिन्,
लाङा स्वयेन् छेँनाप ब्वारा ग्वइमल हकुजु गुरु भाजुपिसिन् ।
थन्केसिये मिपिस्त व बाँलकु अर्ती व बुद्धि बितुं मजि उकु,
थौखँ माताउपे हाखेन थउङ् मातायेथेँ येत् हकु पाजुपिसिन् ।
दोप्टाकु च्वङन् मुलुक सल्गुपेन् वा ख्वइँदम उकु गुलिगुलि,
बुद्धत नुगर्कु तयेन् ज्ञान ब्वठइमल हङन् हकु गुवाजुपिसिन् ।
दर्न जन्ती मदर्न मालामीये येङन् तइ सकेइमल ना ल्याखा,
चुला बिर्न दुला नइत मल्येङ्केउ थन्केसिये किँजदाजुपिसिन् ।
लइ टेउ बुँये या त लोखु तयेन् जुयेन् माया गुल्पनुङ् ओँगौ,
उ खँत थुकेइमल खेलेङ्मखेलेङ् प्याच्च न्वन्हाउ माजुपिसिन् ।
काँठा स्वयेन् क्वँस कोत छ्वइमल हकुजु बाजेबराजुपिसिन्,
लाङा स्वयेन् छेँनाप ब्वारा ग्वइमल हकुजु गुरु भाजुपिसिन् ।
