९ मंसिर, बाँपीझ्याला, काठमाण्डौं । नेकपा (माओवादी केन्द्र) का नेता विशाल खड्काद्वारा लिखित “पर्यावरणीय सङ्कट” प्रधानमन्त्री कार्यालय बालुवाटारमा विमोचन गरिएको छ । प्रधानमन्त्री पुष्पकमल दाहाल ‘प्रचण्ड’ले उक्त किताव सार्वजनिक गर्दै जलवायु परिवर्तन कुनै देश, पार्टी, सम्प्रदाय विशेषको मात्र साझा समस्या नभएर सिङ्गो मानव समुदायको चुनौतीका रूपमा अगाडि आएको बताउनु भएको छ ।
‘जलवायु परिवर्तसम्बन्धी समस्या समाधान गर्न सबैको एकमत छैन । पूँजीवादीको एकमत छ, माक्सवादीको अर्को मत छ । गरिब देशले यो समस्या सिर्जना गरेका होइनन्, यो तथ्य सबैले स्वीकार गर्नुपर्छ’ वहाँले भने ।
नेपालका प्रमुख राजनीतिक दलमध्ये नेकपा (माओवादी केन्द्र)ले नै जलवायु परिवर्तनका बारेमा बहस गरिरहेको उल्लेख गर्दै प्रधानमन्त्री दाहालले पार्टीको ८औं महाधवेशनको दस्तावेजमा जलवायु परिवर्तनको सङ्कट, समाधानका प्रयासका बारेमा चर्चा गरेको समते बताउनु भयो ।
‘कोप–२८ को पूर्वसन्ध्यामा म यहाँ तपाईँहरूलाई भन्न चाहन्छु– हाम्रो पार्टी माओवादी केन्द्र र मेरो नेतृत्वको सरकार पर्यावरणका मुद्दाप्रति निकै गम्भीर र संवेदनशील छ । हामी हाम्रो भावी पुस्ताप्रति पनि त्यति नै संवेदनशील छौं, जति एउटी आमा आफ्नो बच्चाप्रति हुन्छिन्,’ प्रधानमन्त्री प्रचण्डले भने ।
