६ कार्तिक ला, बाँपीझ्याला, येँ । दाँसपत्तिं तिवारये म्वग्र (म्हः) पूजाखुन्हु नेपाल सम्वतये न्हि हिलेन् न्हुलु द येउ ल्याखाःन् उ खुन्हु गिबी गिबी नेवारपेन् च्वनहिन् आँकु न्हुलु दँ हङन् मानेङन् ङाके च्वनगु । थउ थउ ठाइँकु दोखुनु नेवारपेन् मुङन् नखत ङाकेरगु । हो, आम्खुन्हुतु थिम्हा नेवारये नाम्न देश हिलेन्, डोबर डोबरकु सभा येङन् आमे नामकु घत्केङ् खँ पितकायेन् न्वन्हारगु । आमु मि खेउँ शंखधर साख्वा । उ मिये नाम शंखधर तु खेउँ हङन् दुपानये दसी मदर्सं उन् ज्वङन् च्वङ शंखये ल्याखाः व हाबिये बाखन् खँन् यत्न शंखधर हङन् मानेङन् च्वनगु ।
थन्हु कछलात्वाः दशमी खुन्हुरि शंखधर त लुओन्केये न्हि (दिवस)ये ल्याखाःकु नेपालये येँ देशये प्रज्ञा प्रतिष्ठान कमलादिये सभा छेँकु थिगुर ड्वाकुतु ज्येखँ ग्वयेन् ङाकेर्जु । उ नेपाल सम्वत् त राष्ट्रिय सम्वतये ल्याखाःकु थापना येरित घत्केङ् ग्वाहार बिउ मि खेउँ थन्केसीये प्रधानमन्त्री भाजु पुष्पकमल दाहाल प्रचण्ड । दोखुनु स्वयेन् हाखेन विक्रम सम्वत् जुर्सङ नेपाल सम्वत् तु राष्ट्रिय सम्वये ल्याखाःन् छ्यालिमल्गु खँ त हाखेन ल्वाप्ठोइँ त विशेष ज्ये खँ येङकु भाजु प्रधानमन्त्री प्रचण्ड त सुभाय् बियेन् सम्मान येरिउरी ल्याखाःन् न्हुलु द ङाकेउ मूल ज्ये ग्वउ खलक (न्हु दँ मूल समारोह समिति) न उ ज्येखँ ग्वये खेउँ ।
येँ देशये असनलान् नेवारपे दोखुनु थउ थउ खलक मुङन् देश हिलेन् प्रज्ञा प्रतिष्ठानय ज्यकुठीकु थ्येन्द ययेन्लि उ जये चल्केये दउजु । प्राध्यापक डाक्टर गुरुजु नरेशमान वज्राचार्यये सभा नाइकेकु जु आमु ज्येखँकु मूल पाउनामि प्रधानमन्त्री भाजु पुष्पकमल दाहाल प्रचण्ड जु दउजु । मानेरीमल्गु नेवारपे येउता ज्येखँकु हाखेन लिङायेन् च्वंगु ना जाउ मि भाजु मल्ल के. सुन्दर विशेष पाउनामि जु दउजु । आन्थितु हाबिये उपप्रधानमन्त्री आले नेपाली काँग्रेसये ड्वाकुन्दांगु मि भाजु प्रकाशमान सिं, ने.का.ये नाम जाउ मि भाजु भीमसनदास श्रेष्ठ दउ हर्स नेपाल समाजवादी नेता व हाबिये मन्त्रीजु राजेन्द्र प्रसाद श्रेष्ठ आले जीवनराम श्रेष्ठ पाउना मि जु दउजु ।
मेबु पाउनामिकु नेवार देशये डोबर (नेदेदबू) ये मूलमि भाजु पवित्र वज्राचार्य, हाबिये महान्यायाधिवक्ता बरिष्ठ अधिवक्ता भाजु मुक्तिनारायण प्रधान, वागमती प्रदेशये सांसद ज्येकुमि (दुज) हरिप्रभा खड्गी आले मेमेबु सांसदपेनुं दउजु ।
थन्हुये मूल ज्येग्वउ खलकये मूलमि आले सभा नाइके नरेशमान वज्राचार्यन् लसकुस (स्वागतं) खँ तइ धोन्केयेन्लि प्रधानमन्त्रीन् शंखधर साख्वाये जिउ (मूर्ति)कु माला फिके ज्ये उले दउजु । वये नाप नाप सुर्खुन्दाकु इतार च्यात्के ज्ये चल्केय दउजु ।
थन्हुये ज्येखँकु शंखधर साख्वा दिवस मानेङ नापनापङ् नेपाल सम्वत त आउन लि सरकारी ज्येखँ चल्केइत च्वये भ्वँरकु नेपाल सम्वत् छ्यालित अधिकार बिये खँये ल्याखाःकु दोखसेनुं सुभाय बियेन प्रधानमन्त्री त नेवारये हाबिन्न्सि छ्यालेन् च्वङ चलनये ल्याखाःन् फेटा (पगरी) चिके सम्मान बिये दउजु ।
मूल पाउनामिये ल्याखाःन् थउत बिये व येङ सम्मानये लागिन् सुभाय लाछायेन् प्रधानमन्त्री प्रचण्डन् नेवारपे बगालन हातिङ् ज्ये येरि म्वाल्नसिन् वास्तविक ज्ये खँत येल्पनुं थउ हाखेन येयेन् च्वङ खँ तयेन् उ नेपाल सम्वत् त गुलि चाँड फरै आम्ली चाड ज्ये चल्केइत थउ सरकारी ज्येकुठीन आदेश बिइउरी वचन बियेन् थउ खँ क्वचल्केये दउजु । सुजित वज्राचार्यन् चल्केये उ ज्येखँकु भाजु उमेश स्थापित न दोखसेतं सुभाय् बियेन् थउ खँ तये दउजु ।
प्रज्ञाभवनकु ज्ये खँ धोनकेयेन्लि रत्नपार्ककु दउ शंखधर बगैंचाकु दकेतये शंखधरये प्रतिमाकु माला फिकेईरी (कोखाकेइरी) ज्यखँ जुर । आँकुये ज्यखँये मूल पाउनामि येँ महानगरपालिकाये हाबिये मूलमि भाजु विद्यासुन्दर शाक्यन् शंखधर साख्वाये प्रतिमाकु माला फिके सम्मान नापं लुओन्केये दउजु । आँकुङ् पवित्र वज्राचार्य, मुक्तिप्रधान, नरेशमान वज्राचार्य, सुजित वज्राचार्य, उमेश स्थापित थ्येंगु दउजु ।
