२ मंसिर, बाँपीझ्याला, दोलखा । दोलखाको तामाकोशी गाउँपालिका–१ भिरकोटमा ट्रकले मोटरसाइकललाई ठक्कर दिँदा एक युवकको मृत्यु भएको छ । अर्को एक जना गम्भिर घाईते भएका छन् ।
तामाकोशी गाउँपालिका वडा नम्बर १ का बिपिन माझीका २२ वर्षिय छोरा सुशिल माझिको उक्त दुर्घट्नामा मृत्यु भएको हो । घट्नामा सोही स्थानका माइकल माझि गम्भीर घाइते भएको प्रहरीले जनाएको छ । प्रहरीका अनुसार घाईतेलाई घटनास्थलवाट उद्धार गरी सदरमुकाम चरिकोटस्थित पशुपति चौंलागाई स्मृति अस्पताल भर्ना गरिएको छ ।
किर्नेटारबाट भिरकोटतर्फ जाँदै गएको बागमती प्रदेश ०१००३ क ९३५९ नम्बरको फोर ह्विल ट्रक र तामाकोशी बजारबाट भिरकोटतर्फ जाँदै गरेको बा २९ प ११६२ नम्बरको मोटरसाइकल आपसमा ठोक्किएर दुर्घट्ना भएको दोलखा प्रहरीले जनाएको छ ।
