१ मंसिर, बाँपीझ्याला, काठमाण्डौं । लोक सेवा आयोगले प्राविधिक र स्वास्थ्यतर्फ २ सयभन्दा बढी कर्मचारी माग गरेको छ। आयोगले आज (शुक्रबार) सूचना प्रकाशित गर्दै आयोगले राजपत्रांकित तृतीय श्रेणीको प्राविधिक, स्वास्थ्य सेवातर्फ सातौं र आठौं तहमा गरी २५७ कर्मचारीका लागि दरर्खास्त आह्वान गरेको हो।
आयोगले प्राविधिकतर्फ २१६ कर्मचारी, मानवअधिकार सेवातर्फ अधिकृत तृतीय श्रेणीमा १ जना, स्वास्थ्य सेवातर्फ आठौं तहमा ३६ जना र सातौं तहमा ४ जना कर्मचारीको पदपूर्ति गर्न लागेको हो।
उक्त पदमा खुला तथा समावेशी प्रणालीबाट पदपूर्ति गर्नुपर्ने भएकाले इच्छुक र योग्यता पुगेका उम्मेदवारलाई मंसिर १९ गतेभित्र दरखास्त दिइसक्न आयोगले आह्वान गरेको छ। दरखास्त शुल्क १ हजार २ सय र एकै समूहरउपसमूहको पदको समावेशी समूहतर्फ आवेदन दिन प्रत्येक समूहका लागि थप ४ सय दस्तुर बुझाउन पर्नेछ। विज्ञापनको विस्तृत विवरणको लागि कार्तिक २९ गतेको गोरखापत्रमा प्रकाशित गरिएको छ ।
