बाँपीझ्याला, येँ । न्हुलु द नेपाल सम्वत् ११४४ कछलात्वाः परेवा (पारु) खुन्हु द्वाल्खाये नामजायेन्च्वंगु ज्येकुठीपे नापनापं थापरे द्वाल्खा नेपाल (नेवार) भाषा खँ छ्याल्गु ठाइँ तौथली, दुति, लिस्ति, जेठल व द्वाल्खाये घत्केङ् मिपेन् मुङन् न्हुलु दँ बाँलस्के छुत्के आले रसताइदके मानेन्हीन ।
येँ देशये बसन्तपुर डोबर हाखेन्लान् येँ देश हिलेन् उइरी ज्ये खँकु द्वाल्खा देशये मूल गुजराती बाजा ठ्याङ दउजु हर्स सिन्धुपाल्चोकये तौथलीलानुङ् थउ बाजा ठ्याङन् उये दउजु । उ ताक्कु द्वाल्खा देशये द्वाल्खा नेपाल भाषा खलक, कालिन्चोक युवा क्लव, द्वाल्खा गुठी, बनारसी सहयोगी हातहरू, समकालीन एकता समाज नेपाल, छिजी द्वाल्खा डोबर, पाठशाला समूह, नेवा देय् दबू केन्द्रीय समितिलान् आले दोलखा जिल्ला समिति, स्वनिग सम्पर्क समिति व बाँपिझ्याला डटकम खेन्नलान् ब्व काय दउजु ।
उ बाँलकु ज्येखँत रसतादकेइत द्वाल्खा नेपाल भाषा खेन्नलान् दाम ग्वाहार बिये दउजु । आन्थितु पाठशाला समूहन् ढ्याबा व तुल (ब्यानर), समकालीन एकता समाज, कालिञ्चोक युवा क्लव, बनारसी सहयोगी हातहरूलान् दाम ग्वाहार बियेदउजु आन्थीतु तौथली खलकलान् ढ्याबा ग्वाहार विय दउजु । समाजसेवी भाजु कृष्णप्रसाद मास्केलानुङ् ग्वाहार बियेन्तये खँ सिदत ।
आन्थितु हाबिये महान्यायाधिवक्ता बरिष्ठ अधिवक्ता भाजु मुक्ति प्रधान, हाखेनय सांसद भाजु दिव्यमणि राजभण्डारीलान् ग्वाहार बिइउरी वचन बियेन्तये खँ सिदत । उ ज्ये खँ चल्केइत चोकेईरी (प्रचारप्रसार) ज्य खँ बाँपिझ्याला डटकमलान् येङ दउ हर्स ज्ये ग्वइत (संयोजन) बालकृष्ण श्रेष्ठ पासा, निजा दकेइरी ज्ये नेदेदबू द्वाल्खा सम्पर्क समितिये छ्यान्जे कल्पना श्रेष्ठन् येङ दउ खेउँ । थापरे उ न्हूलु द ङाकेइत मुइत जायेन्दिउ दोखुसेतं सुभाय (धन्यवाद ) ।
