बाँपीझ्याला, काठमाण्डौं । अभिनेत्री दिपाशा बीसीको शवलाई पोस्टमार्टमका लागि त्रिवि शिक्षण अस्पताल महाराजगञ्ज लगिएको छ । स्वास्थ्यमा समस्या देखिएपछि नर्भिक अस्पतालमा भर्ना भएकी अभिनेत्रीलाई बिहीवार दिउँसो चिकित्सकले मृत घोषणा गरेका थिए ।
बिहीबार बेलुकीमात्र नर्भिकले पोस्टमार्टमका लागि शवलाई टिचिङ पठाएको हो । दुबईमा रहेकी उनकी आमा नेपाल आएपछि मात्र अन्तिम संस्कार गरिने चलचित्र कलाकार संघका अध्यक्ष मोहन निरौलाले बताउनु भयो ।
बीसीको निधनमा कलाकारले सामाजिक संजालमार्फत शोक व्यक्त गरिरहेका छन् । फिल्म र म्युजिक भिडियोमा चलेकी कलाकार बीसी जलपरी नामले समेत चर्चित छिन् । उनको निधनको खबर सुनेपछि नर्भिक परिसरमा कलाकारको बाक्लो उपस्थिती थियो ।
यस दुःखद घडीमा शोक सन्तप्त परिवारजनमा हार्दिक सम्वेदना व्यक्त गर्दै दिवंगत आत्माको चिरशान्तीको कामना गर्दछौं ।
