बाँपीझ्याला, द्वाल्खा । बागमती प्रदेशये मूल ज्येकुठीलान् तामाङ भाषा व नेवार (नेपाल) भाषालान् सरकारी ज्येखँ व ब्वङकुठीकु छ्यालिउरी नियम, ऐन विधेयक पितकाये कत्नङ् आमु ज्येखँ त मनकु तयेन् थउ थउ जातीत ओँसिकेइत सरकारी ज्येखँकुङ् थउ मा भाषालान् ज्ये चल्केइत ऐन दकेयेकु बागमती प्रदेश त सुभाय (धन्यवाद) बियेन् सिन्धुपाल्चोक जिल्लाये मेलम्ची नगरपालिकाये स्थानीय सरकारय् ज्येकुठी व ब्वङकुठीकु तामाङ (स्येमि) भाषालान् ज्येखँ छ्यालिउरि ज्ये चल्केइटेङ खँ सिदत ।
सिन्धुपाल्चोकये मेलम्ची हङ ठाईकु ह्येल्मो, तिब्बेतियन्, साँस, बार्मुन, खस, नेवार, थामी थेँतु मेमेबुङ् येक्कु जातिपेन् च्वन्सङ् घत्केथेँ स्येमि (तामाङ) पेन् दये लागिन् उकु मेबु जातिये मिपिसिनुङ् स्येमि भाषालान् खँ लाये चलन हाबिन्नसि दउजु ।
इथि जुये लागिन् आउ राज्यखेन्नलान्तु उ भाषा त मान्यता बियेन् हाखेन लिङाइ त कत्छीन्गु जु ब्यालाकु मा भाषालान् सरकारी ज्येखँ येत्केइरी, आखर ब्वङ्केइरी ज्येखँ ग्वइटेङ खँ मेलम्ची नगरपालिकाये मूलमि भाजु आइतमान तामाङ न ब्वखँ पति व अनलाइनपिस्त ब्वठये खँ ताइदत । वये लागिन् आउ येउ नगरये मूल मुङ ज्येखँकु तयेन् प्रदेश व केन्द्र नापं सर्सल्ला येङन् ज्ये चल्केइ टेङ खँ सिदत ।
नेपाल तामाङ घेदुङ सङ्घये क्वमूलमि भाजु कुमार घिसिङ्, माभाषा शिक्षा अभियन्ता भाजु ङेसुर तामाङ व हिरामान तामाङये दातिकु मंगलवारये सर्सल्लाकु उ खँ पित येउ सिदत । सचिवालय खेन्नये भाजु मानकाजी तामाङ् पाख्रीन्न अभियन्ता ङेसुर तामाङ् नाप थउ ठाइँये माभाषा व थउठाइँये शिक्षानीतितु दके तामाङ विषयतु ब्यागल पितकायेन् ज्वकेइरी, ब्वङ्केइरी आले न्वनहाकेइरी लागिन् ज्ये ग्वइत थउ तैयार जुयेन्च्वङ खँ तये सिदत ।
