बाँपीझ्याला, येँ । नेवार देशये डोबर ख्वप जिल्ला समिति व ख्वप नगर समिति निस्खलक्न शुक्रवारखुन्हु ख्वप जिल्ला प्रशासन ज्येकुठीकु नेवारपे खलकलान् दोखुनु स्वयेन् मूल पदकु मुलमि (अधिकृत) जु ब्यालाकु मैजु रोशनीकुमारी श्रेष्ठत खेँज सोगुन बियेन् सरकारी ज्येखँ ये भिंगु टोङन् आशिक विर्जु ।
आले आमु नेवा डोबरये खलकये पदाधिकारीपिसिन् जिल्ला मूल ज्येकुठी (जि.प्र.का.) कु तु ओङन् वागमती प्रदेशन स्वीकृति बियेन् नियम ऐन विधेयक दके हाये तामाङ भाषा व नेपाल भाषालान् ज्ये छ्यालिउरी खँ त दोखुनु ज्येकठीुधुन्दु नेपाल भाषालान् ज्ये चल्केइत ध्यान बिकेइरी ल्याखान् दर्खास्त भ्वँर पति लाछाये दमु हङ नेवाः देश डोबरय स्वःनिग प्रदेशय नायः भाजु श्रीकृष्ण महर्जन न ईस्त सिके दिरहिन् ।
उ ज्येखँये ल्याखाकु नेवार देशये डोबरये केन्द्रयि क्वमूलमि (न्वकू) भाजु खगेन्द्र श्रेष्ठन् नेवारपिस्त कर्मचारीलान्नसि येउङ् ज्येखँकु दुत स्वक्टाकेइमल्दन हङ खँ तयेन्दिये दउजु ।
आन्थितु नेवार देशये डोबर स्वनिगः विशेष प्रदेशये मूलमि भाजु श्रीकृष्ण श्रेष्ठन् ख्वप जिल्लाये येउलिं ज्येकुठी दमु आम दोखुनुं ठाइँ कु खस भाषा (पर्वते खँ) चल्के तये लागिन् ख्वप देशये घत्केथेँ नेवार पिसिन् नेवार भाषा जुकुन् छ्यालेन् च्वङ जुये लागिन् पर्वते खँ लाइ मसयेन् ज्ये वाइत कत् म्वथुयेन् च्वंगु खँ हाबिन्नसि पितययेन् च्वन । इथि जुये लागिन् सरकारी ज्येकुठीधुन्दु भाषाखेन्नलान् जुयेन् च्वंगु समस्या त निराकरण येरित जिल्ला प्रशासन ज्येकुठीन् वये लागिन् बाँलस्के थुकेइरी व्यवस्था येरित बिन्ती छाये खँङ् सिदत ।
आन्थितु नेदेडोबरये ख्वप जिल्लाये मूलमि भाजु नरेश नेवाःन् नेपाल भाषा त क्वबिये ज्येकुठीलान् नसि बागमती प्रदेशये ज्येकुठी टुल्के दोखुनु विभागकु नेवार भाषा चल्केइत थउथउ ठाइँकु काँचा कुठी दकेइ मल्गु दमु हङ खँ तये दउजु । आमु ज्येखँकु नेदेडोब केन्द्रीय ज्येकुमि अनिल लेकाली, स्वनिग प्रदेशये ज्येसोङ्केउमि (छ्यान्जे) हरिबहादुर श्रेष्ठ, ख्वप नगरसमितिये मूलमि कृष्ण्प्रसाद प्रजापति येउ दउजु ।
आमु ज्येखँकु थउत भिङ्गु टोङन् सगुन वियन ज्येखँ चल्केइरि ल्याखाकु ध्यान क्येङन् नेवार भाषालान् ज्येखँ छ्यालिउरी मुल चल्केइत गुलि फरै आम्ली चाँडङ् ज्ये ग्वइत टुटि पाराक ल्येइ हङन् वचन बिये दउजु ।
