बाँपीझ्याला, काठमाण्डौं । अभिनेत्री वर्षा सिवाकोटीलाई नेपाली फिल्म क्षेत्रको अभिनयमा भाग्य साथ नदिएको हो की जस्तो भएको देखिन्छ । डेव्यु फिल्म नाई नभन्नु ल २ र पशुपति प्रसाद बाहेक उनले अभिनय गरेका अधिकांस फिल्म लगातार असफल भएपछि वर्षालाई ‘अनलक्की’को रुपमा हेरिएको थियो।
तरपनी बर्षाले आफूले अभिनय गरेका फिल्म असफल भएपनि फिल्मको अभाव भने भएन । उनले हरेक बर्ष १–२ वटा फिल्ममा काम गरिरहेकी छिन् । उनको अभिनय र सुन्दरताको तारिफ हरेक फिल्ममा हुने गरेको छ । जसले गर्दा उनलाई काम अभाव कहिले भएको छैन ।
तर पनि एउटा हिटको खोजीमा रहेकी वर्षाले ‘परदेशी २ बाट यो कमी पूरा गरेकी छिन् । उनले आफ्नो अभिनयमा उत्कृष्ठ हासिल गर्न सफल भएको देखिन्छ । नारायण रायमाझी निर्देशित यो सामाजिक फिल्मले दर्शकको मन जितेको छ । समीक्षकबाट उति धेरै तारिफ नपाएको फिल्मले विदाको मौका छोप्दै सफलता हासिल गरेको छ । फिल्ममा वर्षा शिवाकोटीले लुजाको भूमिका निर्वाह गरेका छन् ।
दसैँको छेको पारेर रिलिज भएको फिल्म ‘परदेशी २’ ले लगानी उठाएपछि वर्षालाई ठूलो राहत मिलेको छ । आउँदो वर्ष वर्षाको ‘काजी’ रिलिज हुनेछ । यो सिनेमामा उनको जोडी अभिनेता विपिन कार्कीसँग बाँधिएको छ ।
