बाँपीझ्याला, येँ । नेपाल सम्वत् ११४३ येँदलाखिं आमसी तिथिखुन्हु नाप नाप ययेन् च्व्ंगु महनी, तिवार, न्हुलु द ११४४ व छठ व्रत पर्व ये ब्यालाकु दोखुनुं नेपालदेशये मिपिस्त बाँलकु जुयेन् थ्वच्वँ हङन् भिंगु टोङन् ज्ये ग्वर्जु । येँ देशये म्हेपि द्येउ छेँये लाङाकु थिगुर ज्ये ग्वयेन् ओङ्गुु लाकु जु मिस नेवाः ल्येइरि ज्ये खँकु ‘फस्ट रनर अप’ व ‘मिस पब्लिक च्वाइस’ विधाकु त्याङन् सिरपाउ नापलकु मई रिधिशा श्रेष्ठ त भिंगु आशिक बियेन् सम्मान येङ खँ सिदत ।
आमु ज्येखँकु पाउनामिये ल्याखाःकु दोलखा जिल्ला पर्यटन बोर्डये मूलमि भाजु बैकुण्ठनारायण प्रधान, द्वाल्खा नेपाल भाषाये मूलमि भाजु नहेन्द्र प्रधान, द्वाल्खाये समाजसेवी आले साहित्यखेन्न कलम वाउमि भाजु अमरकुमार प्रधान, बाँपिझ्याला डटकमये सह–सम्पादक भाजु बालकृष्ण श्रेष्ठ ‘पासा’, समय सान्दर्भिक ब्वङपतिये सम्पादक भाजु त्रिलोचन प्रधान, ल्यास्मा समाजसेवी शंकर जोशी व मनोज चाकुबजी श्रेष्ठ येउ दउजु ।
‘छीजि द्वाल्खा डोबर’ द्वाल्खा देश दुपान जन्म कायेन् पित वङन् च्वंगु म्यासमुचापे जाहानपेन्, द्वाल्खा ये ओन्सामिपे नाप ब्याहा जुयेन् येउ इरिपिरी दोखुसेतं ग्वार्मुङन् दकेये थिगुर सामाजिक ज्येकुठी खेउँ । उन् ज्ये मदउ मिसामिपिस्त ज्ये येङन् थउत मल्गु बुन्चा खर्च थउतु दकेइ थफउ हङन् येँगौ ज्येखँपेन् स्येइँरी (तालिम) येङन् च्वङ दमु । उतु ल्याखाकु छेँकु ज्येजि मदके च्वंगु इरिपिरीपिस्त भाँडासिले साबुनये ति दकेइरी, अचार दकेइरी, लंगी सुइथाइ सकेइरी ज्ये ग्वयेन् च्वङ खँ आमु डोबरये मूलमि मैजू रिना श्रेष्ठन् इस्त ङेङ्केर्जु ।
दाँसपत्तिङ् थिता थिता ज्ये ग्वयेन् ताताकेहेँ, दाजुकिँज व थउ दउलये साङतपेन् मुङन् ज्ये येङन् च्वङ दर्सं देशये व्यवस्थाये अवस्थान् हङ थेँ ज्ये चल्केइत ठाकयेन् च्वन, यिनागु ब्यालाकु ओप्तेआप्ते समस्या मायायेन् थ्वच्वँ हङन् तु इसिन् थउन सयेफये ज्ये खँ दोखसेतं स्येइँकाइ येरिम्वालेन् च्वनगु हङन् रिनान् ङेङ्केर्जु ।
छीजि द्वाल्खा डोबर न मन्न टोङ ज्येखँ भरिपूर्ण थ्वजु, थापरेये महनी दोखसे लागिन् भिंगु थ्वजु । देक्वार भगवती, कालिन्चोक मा, बालकुमारी मा व करुणमाइ न रक्षा थयेत हङन् आशिक फोङ दमु ।
