बाँपीझ्याला, द्वाल्खा । हेटौडा उपहानगरपालीका वडाल्याखाः २ य ज्यकुठीन थउ साईनवोर्डकु नेपाल भाषा व तामाङ भाषाङ छ्यालेन तरै । बागमती प्रदेशय ज्यकुठीय सरकारन नेपाल व तामाङ त सरकारी ज्यकुठीकु कामकाजय भाषाय रुपकु वाईत दकेय विधेयक प्रदेशसभालान् वङ्गु सोमबार पास यङ नाप नापङ वडाय ज्यकुठीन छ्यालीकु हाय खेउ ।
वडाय ज्यकुठीन मेह्ग मंगलबार ज्यकुठीय साईन वोर्डकु नेपाल व तामाङ भाषा छ्याले खेउ । बागमती प्रदेश सभाकु सोमबार प्रदेश ज्य खँय भाषाय रुपकु व्यवस्था यरीय लागिन् बनई जुयलागिन् चलनकु हाई टेङ दमु हङ वडा नायः भाजु विष्णुगोपाल महर्जन न ईस्त थउ खँ प्वन्के दिरहिन् ।
प्रदेशय मुलमीन प्रमाणीत यरी धोङ्नली प्रदेश सरकारय आन्तरीक आले कानून मन्त्रालय ज्यकुठी न राजपतीकु पितकाय तिथीन् सर्छि व चईम न्हिन्ली बिधेयक लागू जुर्सङ थउ साईन वोर्डकु थिस्गुर भाषा तयन चोय दुम हङन वडानायः भाजु श्रेष्ठ हङन् दिरहिन् ।
ईथितु जनताय मागथे मेवु मेवु ज्य खँङ नेपाल भाषा व तामाङ भाषाकु छ्यालीकु हाईरी खँ दमु हङन ईस्त सिके दिरहिन् । भाजु महर्जन नेवाः देय् दवुय बागमती प्रदेशय नायः खेउ । आन्थीतु नेपाल भाषा व संस्कृती म्वात्केईरी अभियानकु हाखेनन्सी लगई जुयन दिउ नेवारी अभियान्ता मध्ये थिम्ह खेउ ।
