बालकृष्ण श्रेष्ठ “पासा”
जय थ्वजु द्वाल्खा देशये जय थ्वजु दोखुनु प्राणी,
हाबिन्नसि जुयेन्च्वङ द्वाल्खामी छीजि स्वाभीमानी ।
ऋषिमुनिपिसिन् ध्यान येङन् जुये खेउँ महाज्ञानी,
नुगर्कु हि थिप्टी दत्टुल्के जुइलौ दोखुनुं बुद्धिमानी ।
गौरीशंकरन ब्याला क्येनै भीमसेन द्यउन येतै रक्षा,
कालिन्चोक माँन् आशिक बिर्न देक्वार्न स्येनै दीखा ।
करुणामयन् वा येकेरै सरस्वतीन् स्यनै उकु विद्या,
ज्ञान ब्वठउ गणेश द्यउ दमु थिखाकेङ् बिरै शिक्षा ।
सिंगबन व रानीबन दात्तिकु च्वन छीजि द्वाल्खा,
थउ मिपेन् दुत ययेउ हङन् चलेन्च्वन मुलखा ।
नामकाइ मजिउ छेरप्वाले खिङल्चा दउ उ ठाइँ,
गुनानुं मसिउ द्वाल्खाये नेवार भाषा थउतु लाइ ।
पेँट्चा वाङ मेम्सी स्वाङ छीजि अभयपुर शहर,
ख्वाल पार्सङ् हि थिता खेउँ हरित हाइलौ लहर ।
जय थ्वजु द्वाल्खा देशये जय थ्वजु दोखुनु प्राणी,
हाबिन्नसि जुयेन्च्वङ द्वाल्खामी छीजि स्वाभीमानी ।
