नेपाल सम्वत् ११४३ यँलात्वाः चतुर्दशी तिथि बिहिबार (अशोज ११ गते २०८०) । येँ देशये नेपा बैंकुइत भ्वस् छेँये सभाकुठाकु थन्हु भाजु मल्ल के. सुन्दरज्युन च्वयेन्दिये कथेङ बाखन साँफर (उपन्यास) थन्हु नेवारपे द्यउ मैजु ङाम्हा कुमारीपिसिन् थिपुल्नं ब्वके क्येङन् दोखुसे लाहा लाहाकु थ्येङ्केइरी ज्ये येङन्दिर्हिन् ।
नेवार देशये डोबर (नेवाः देय् दबू) ये ढ्याबा बरिल भाजु निरन्जन रत्न शाक्यज्युये सभापतित्वकु जु थन्हुये मूल पाउनामिपेन् हङ तु ङाम्हा द्यउ मैजु कुमारीपिस्त मानेङ दउजु । आले उ ज्येखँकु मानेरिमल्गु पाउनामिकु साँफर च्वयेन्दिउ नेवार भाषा, संस्कृतिखेन्न घकेङ् नाम जायेन् च्वङन्दिउमि भाजु मल्ल के. सुन्दर, युरोप महादेशये पोर्चुगल देशकु च्वङन् नेपाल भाषाये जलखलकु ज्ये येङन्दिउमि मैजु डां ज्योति तुलाधरज्यू, नेपाल भाषाखेन्नये ड्वाकुन्दांगु नामजाउ पत्रकार भाजु सुरेशकिरण मानन्धर, नेवाः ज्यापु गुठी महासंघये मूलमि भाजु सत्य नारायण महर्जनज्यू, नेपाल भाषा साहित्यकु नाम जाके च्वंगुमि आले एड् जोन प्रा.लि.ये मूलमि भाजु सुजीव वज्राचार्यज्यू जु दउजु ।
नेपाल देशये राष्ट्रिय म्ये हलेन्लि भाजु सुजीव वज्राचार्यन् आम ज्येख ँययेन् च्वंगु पाउनापिस्त लसकुस येङन् थउ खँ तइ धोनकेयेन्लि मूल पाउनामि द्यउमैजु ङाम्हान् साँफर चल्के ब्वकेइरि ज्ये येङन्दिये जुर । आकुलान्लि नेवार भाषाये ड्वाकुन्दांगु पत्रकार भाजु सुरेशकिरण मानन्धरज्यू न थन्हु पित ब्वकेये ‘कुमारी’ साँफर दुपान दउ खँ त उलेन् ‘खँग्वारा’ खँ छ्याले मुल, ताङन् उइँ धोंगु खँमूल त म्वालेन् ख्वालेन् ग्वार्मुङन् आमु कथेङ बाखन् साँफरये बयान् येङन्दिये जुर ।
आन्थितु पोर्चुगल ननसि येयेन् उ ज्येखँकु मैजु ज्योतिप्रभा तुलाधरज्यू न मल्ल के. सुन्दर न नेपाल भाषा व नेपालमिपे संस्कृति, नखतचखत, सम्पदा म्वात्केइ लागिन् घत्केङ् ड्वाकु ज्ये येङन् च्व उ कथेङ बाखन् (उपन्यास)कुमारी त भाजु मल्ल के सुन्दरज्यू न ‘उपन्यासये नाम दर्सं दोखुनुं पुल्के ब्वइँ म्वाल्नसिन् निथिगुर बाखनये मोर (शीर्षक) ख्वइँ दमु ।
गिथिकि–
१) पालिजास्वां मुलय् म्ह्याय्मस्त (पारिजात स्वनये मुढेकु मिचमुचा),
२) असुरगणया मिखाय् नेपालमण्डल (असुरगण–राक्षसये मिखाकु नेपालमण्डल),
३) ख्याकं सालायंकुगु यःमरि (ख्याक्न सलेन् येङ द्यउचामारि),
४) गुरु शुक्राचार्यया आश्रम (गुरु शुक्राचार्यये कुटी),
५) प्रज्ञातीर्थ झिम्निंदँया मेला (प्रज्ञातीर्थ झिम्निस्दये मेला),
६) पञ्जःदुनेया छज्व बखुं (पिंजडा दुपानये थिजोर ब्वर्खुन)
७) सर्गतय् ब्वया वन बखुं (सर्गकु ब्वयेन् वन ब्वर्खुन्,
८) असुरतय् युद्धदुर्ग ( राक्षसपे लडाइँखेन्न),
९) देगुख्यलय् ह्वगु मतिनास्वां (देउयेखेलकु ह्वउ मायाये स्वन),
१०) दर्बाये मूल लाङाकु देश मुङन्,
११)ं म्ह्याय्मस्तया ख्वबि (म्यास्मुचाये ख्वबि),
१२) तुयुसिं काजिया हत्या (त्वायौ काजिये हत्या,
१३) संकटया ई हथायगु सहलह (आपदये ब्यालाकु हतारये सर्सल्ला),
१४) बुढेनी द्यउमा)अजिमा)पे शरणकु,
१५) ख्वालय् मलाःगु थुकलं (ख्वाल्कु मलकु (मकिकु) चिपुति (थुक्),
१६) मां म्ह्याय् निम्ह निखे (मामिच निस्म्ह निस्खन),
१७) आगमय् खड्गसिद्धि, (आगमये खड्गसिद्धि),
१८) रणसंग्रामया ख्यलय् (लडाइँये खेलकु),
१९) लायकुया नायखिं च्वयेका (दर्बाये बाजाक्न च्वकेये),
२०) बखुंचिया घुरुघुरु (ब्वर्खुन्पे घुर्घुर्), सन्हिा जात्रा धुंका (सिंँदर जात्रा धोन्के) व
२१) कुमारी माजुया मिखाय् ख्वबि (कुमारी द्यउमाये मिखाये ख्वबि) ।
उ साँफर येक्कु नाम जायेन् थ्ववँ ।
