नेपाल सम्वत् ११४३ यँलात्वाः अष्टमी तिथि शनिबार (२०८० अशोज ५) बाँपिझ्याला येँ । नेवारपे दोखुनु स्वयेन् ड्वाकु सामाजिक ज्येकुठी नेवार देशय् डोबरन थउ निगुदँ दउ बुदिन् नेवार दाजुकिंज, तिताकेहे हो शुभचिन्तकपे दातीकु क्षेत्रपाटी पार्टी प्यालेस, क्षेत्रपाटीकु ङाकेर्जु । कार्यवाहक नायः भाजु चन्द्रलाल राजभण्डारीये नायत्कु हिल्कगु आमु ज्येखँकु मुल पाउनामि नेपाल सरकारये उप्रधानमन्त्री व गृहमन्त्री भाजु नारायणकाजी श्रेष्ठ जुयेन्दिउ दउ ।
विशिष्ट पाउनामि उ तु ज्येकुठीये संरक्षक भाजु मल्ल के. सुन्दर जुयेन्दिउ दउ आन्थितु मानेरीमल्गु पाउनामिकु नेवारपे येउता ज्येखँकु नाम जायेन् च्वंंगु भाजु डा. महेशमान श्रेष्ठ, नेवार देशये डोबरये केन्द्रीय सल्लाहकार पूर्व महान्याधिवक्ता आले बरिष्ठ अधिवक्ता भाजु मुक्ति प्रधान, समाजसेवी हाविय सासंद भाजु दिव्यमणि राजभण्डारी, नामजाउ कलाकार भाजु मदनदास श्रेष्ठ व नापं केन्द्रीय पदाधिकारीपेन् आले नेपाल आदिवासी जनजाति महासंघये ड्वाकुन्दांगु पदाधिकारी व समाजसेवीपिसिन् ब्व कायन तयन दउजु ।
आन्थितु आमु ज्येखँकु स्वःनिग देशलान् पिपानये नेवार देशये डोबरकु च्वंगु खलकये ल्याखाःकु भरतपुर चितवन, हेटौडा, रामेछाप, द्वाल्खा, सिन्धुपाल्चोक व गोरखा आले येँ जिल्ला दुपानये शंखरापुर, गोकर्णेश्वर, बुढानीलकण्ठ, तारकेश्वर, चन्द्रागिरी, कीर्तिपुर, ललितपुर महानगरपालिका व भक्तपुर नगरपालिकाये पदाधिकारी मिपेन् ययेन् च्वंगु ख्वइँ दउजु । थन्हुये ज्येखँ ङाकेइत द्वाल्खाये सामाजिक ज्येकुठीये ल्याखाःकु नेदेदये द्वाल्खा–स्वनिग साङत खलकये पदाधिकारी नापं सल्लाहकार, छीजि द्वाल्खा डोबर, नेवाः देय् दवु द्वाल्खा स्वःनिग खलक, द्वाल्खा म्यासमुचा खलक, समकालिन एकता समाज नेपाल द्वाल्खा–काठमाण्डौं, बाँपिझ्याला अनलाइन मिडियाये प्रतिनिधी व द्वाल्खाय ल्यास्म्हा समाजसेवीपेन् येउ दउजु ।
पेस्सरम्हा मिपेन् मुंङ ख्वइँ दउ थन्हुये ज्येखँ त मूल पाउना मि नेपाल सरकारये उपप्रधानमन्त्री व गृहमन्त्री भाजु नारायणकाजी श्रेष्ठन् ट्वाकरेकु इतार च्यात्के ज्ये चल्के दउजु । आम चल्केय ज्य खँकु नेपाल देशये राष्ट्रिय म्ये, नेवारपे थउ स्वदेश म्ये व नेदेदबूये म्ये हलेन् हाखेन यङ आमु ज्य खँकु जायदिएन ययन् चोङन्दिउ भाजुमैजु पिस्त नेवाः देय् दवुय ड्वाकुन्दान्गु नकिन मैजु रश्मिला प्रजापतिन् लसकुस येङ दउजु ।
थन्हुये ज्येखँकु नेवारपे दातिकु दोखुनु स्वयेन् बाँलस्के ज्ये सोंगु उद्यमी, सञ्चार व सामाजिक ज्येखँकु नामजाके हाखेन येउपिस्त नारायणदेवी तीर्थ समाजसेवी सिरपाउ, नारायणदेवी व्यवसायी प्रोत्साहन सिरपाउ व गिरिधरलाल नेपाल भाषा सेवा सिरपाउ मति सोम्ह त मुल पाउनामि उपप्रधान व गृहमन्त्री भाजु नारायणकाजी श्रेष्ठये लाहालान् बिये दउजु ।
आन्थितु उ तु ज्येखँकु ययेन्च्वंगु मानेरीमल्गु नेदेदबूये हाखेनये मिपिस्त मायाये चिनो बिये दउजु । थन्हुये ज्ये खँत भिंगु टोङन् नेवारपे महत्व र नेवारपेन् थि जुयेन् येउता ज्येखँकु हाखेन लिङायेन् च्वङ खोन्न घत्केङ खुसी चाये खँ तयेन् नेवारपे ज्येखँ त ग्वाहार बिइत थउ येल्पनु तयार जुये दमु हङन् मूल पाउनामि भाजु नारायणकाजीन् थउ खँ तयेन्दिर्जु । भिंगु टोङन् न्वन्हाये ज्ये खँकु समाजसेवी श्रीजल श्रेष्ठ, दिव्यमणि राजभण्डारी, आदिवासी महासंघये ज्येकुमि (न्वकु), मल्ल के. सुन्दर न थउथउ ल्याखाःन् नेवाः देय् दवु त अझ बाँलस्केइमल हङन् भिंगु खँ तयद दिरहिन् ।
थन्हुये ज्येखँकु नेवाः देय् दवुन थउतु ज्येकुठीये छेँ दकेइत ढ्याबा बियेन् ग्वाहार बिउ दोखुसेत सुभाय बियेन् अझ मन्कु दउ पिसिन् ग्वाहार बिइत बिन्ती छाये ल्याखाःकु स्वयेन् थन्हुये घडीकुतु मति मतिन् बिये झिम्थिस्सर दोल (११ लाख) दाम मुन्द येउ खँ सिदत । उ तु ल्याखाःकु भीमेश्वर नगरपालिका वडाल्याखा २ द्वाल्खा मुल छेँ जुयन थन्केसी मण्डिखाटारकु च्वङन्दिउ भाजु दिव्यमणि राजभण्डारीजु न सर्छिदोल (१ लाख) टाका ढ्याबा ग्वाहार बियेन्दिर्जु । आन्थितु मेमेबु पिसिनुं बिये दउजु । थन्हुये ज्येखँ नेदेदबूये केन्द्रीय ज्येसोन्केउमि (छ्यान्जे) भाजु सत्यनारायण डंगोलन हिल्केय दउजु ।
