नेपालये राजनीतिये लाङाकु लुओनकेइमल्गु थिम्हा मि खेउँ भाजु सुवास चन्द्र नेम्वाङ् खेउँ । नेपाल देशय कोशीप्रदेशे इलाम जिल्लाये सुन्तलाबारी हङ ठाइँकु च्वंगु बा रामबहादुर नेम्वाङ व मा अपिन्द्रकुमारी नेम्वाङये कोखलान् जन्म कायेन् येउ नेम्वाङये मुचाब्याला सुन्तलाबारीकु ओङ्गु खेउँ । नेम्वाङये निस्म्हा कये ड्वाकुरी मिङ्सो नेम्वाङ् आले चिचाउरी सुहाङ् नेम्वाङ् दमु हर्स मिचपेन् निस्म्हा दमु ।
नेम्वाङ् न इलामये ब्वङकुठीकु प्राथमिक व माध्यमिवि तह ब्वङन् लिबि कानुन बिषयकु स्नातक (बीएल) येङ दउ । हाबिन्नसितु वकिल जुयेन् ज्ये येङन् च्वन्सं पञ्चायतकालये बामलकु शासन हिल्के जनताये शासन हाइत घत्कें पाराक लेयेन् राजनीति खेन्न मन तयेन् लिङाउ सुवास नेम्वाङन नेपाल देशकु २०४६ सालये जनआन्दोलन ताक्कु ड्वाकु ज्येखँ येङ् नाम जाके च्वंगु थिम्हा मानेरिमल्गु मान जाउ मि मध्य थिम्ह खेउँ ।
सुवास नेम्वाङ्न नेपाल देशये न्हुलु संविधान दकेइत नेपाली काँग्रेसये ड्वाकुन्दांगु नेता गिरिजाप्रसाद कोइराला व नेकपा एमालेये ड्वाकुन्दांगु मानेरीमल्गु नेतापेन् मनमोहन अधिकारी व मदन भण्डारीपे नाप लिङायेन् निस्पुल नेतृत्व कायेन् हाखेन् येउ मि खेउँ । हाबिये व्यवस्थापिका संसदये सभामुख जुयेन् लिबि संविधान सभाये नायः टुल्के जुयेन् ययेन् च्वंगु खेउँ । २०४८ दँ व २०५६ दँकु राष्ट्रिय सभाये मूलमि जुयेन् ज्ये येङन् च्वंगु नेम्वाङ् इलामलान् तु संविधानसभा सभासदये चुनावकु त्याङन् येउ खेउँ ।
ब्वङकुठी (स्कुलये)कु ब्वङ ब्यालान्नसितु राजनीतिक चउरकु मेथयेन् येउ सुवास नेम्वाङ २०३३ दँकु राजकाजये मुद्धाकु लङन् जेलकु कुङन् तये जु । २०२९ दन्नसि अनेरास्ववियुये मूलमि जुयेन् थात येउ उ मिन् दोखसे मन त्याङन् लिङाये खँ मसिउ सायद गुनुङ् मद जेउ । देशकु बाँलकु शासन व व्यवस्था हाइत कम्युनिष्टपिसिन् जुकुन् बाँलकु जुयेउ हङन् अनेरास्ववियु खेन्न लगैजु नेम्वाङ् न वनारसीकु जु विद्यार्थी सम्मेलनलान् ब्वाक्डउ अनेरास्ववियु पाँचौ व छैंटौ जुयेन् ब्यागल जुयेताक्कु पाँचौखेन्न लिङाये खेउँ ।
वंगु २०७९ दकु जु प्रतिनिधि सभासदस्यकु इलामये क्षेत्र ल्याखाः २ लान् त्याङन् येउ नेम्वाङन कम्युनिष्टपेन् फायेन् च्वइँमजि थि जु जुयेन् च्वइँमल हङन् थउखेन्नये साङतपे नाप सर्सल्ला येङन् च्वंगुजु । आउ यिनागु ज्ञान, बुद्धि, विवेक व अनुशासन दउ मि छीजि हाखेन मदयेन् ओन ।
वंगु २०८० दँये भदौ महिना २६ तिथीकु चानसय १ः५० घडीकु (ने.सं ११४३ गुन्लागा त्रियोदशी मंगलबार)ये सुन्हि ताक्कु भाजु थउ सन्तान जहानपिस्त त्वार्त नेपालदेशये दोखसेतं ख्वके तयेन् उ ब्वँतु त्वार्त डुङन वन । भाजु नेम्वाङ्य् आत्मान् सर्गभुवनकु कास कायेन् अमर जुयेन् थ्वच्वँ । यिनागु नुगर हियेउ ब्यालाकु दुःखचायेन् च्वंगु जहानपिस्त सहयेरिफउ बल थबिउ हङन् द्यउपिस्के लाहा फयेन् बाँपीझ्याला मिडिया खेन्नलान् बिचार वियन तरगु ।
