Search

ल्यास्मा समाजसेवी राजन श्रेष्ठन् गुरु पुनिसय व्यालाकु भिङ्गु टोङ ज्यखँ

ल्यास्मा समाजसेवी राजन श्रेष्ठन् गुरु पुनिसय व्यालाकु भिङ्गु टोङ ज्यखँ

बाँपीझ्याला, येँ । गुरुय ख्वाल सोयन पूजा यङ न्हि खुन्हु यल देशये एकान्तकुना नाप दउ नेल्पा रेष्टुरेन्टकु भीमेश्वर नगरपालिका वडा ल्याखाः २ कु लकु भीम उच्च मा.वि. ब्वङकुठीय हाबिय ड्वाकुन्दांगु मुल गुरुपेन् (प्रधानाध्यापक) भाजु बद्रीमान सिं श्रेष्ठ, भाजु चोकबहादुर दाहाल, भाजु तीर्थनारायण मानन्धर, गुरु भाजु अमरकुमार प्रधान व स्वयंसेवक जुयेन् आखर ब्वंकेउ गुरु भाजु बालकृष्ण श्रेष्ठत गोङन् गुरु मानेङन् सम्मान खँ सिदत ययन चोन ।

वङ्गु दँनन्सी विद्यार्थी भाजु राजन श्रेष्ठन् उ गुरुपिस्त सत्त थिता थिता सोगुन सिरपाउ बियेन् च्वङकु थापरेरि दोखुनु गुरुपिस्त थिगुर थिगुर लाम्जा (झोला) बिये दउजु । उ स्वयेन् हाखेनये दँकु दोखसेतं आयुर्वेदिक वासर बिये दउजु ।

उ पटकन राजन्न ग्वङ ज्यखँकु आम्तु ब्वङकुठीकु ब्वङ्गु मेवु साङतपेन भीमेश्वर नगरपालिका वडा ल्याखा २ य हाबिय मूलमि भाजु विराजमान श्रेष्ठ, वकिल सुभाष शिवाकोटी, व्यवसायी हिमाल श्रेष्ठ, कालिन्चोक युवा क्लवये नायः निरेन्द्र मास्के, मूल छ्याञ्जे अनिलचन्द्र श्रेष्ठ, वनारसी सहयोगी हातहरूय हाबिय मूलमि दीपनारायण श्रेष्ठ, समय सान्दर्भिक ब्वङ पतिये सम्पादक त्रिलोचन प्रधान, नापनापं तीर्थनारायण गुरु हो चोकबहादुर गुरुये जाहानुं यउ दउजु ।

झिम्ङाम्हा मि मुङन् येङ आमु सम्मान व सत्कारये ज्यखँकु ग्वंगुमि राजन न भाति भाति थउ व्यापार व्यवसाय य खँ तयेन् भाति भाति ख्याली खँपेन् हङन् ङिल्केय दउजु । आन्थितु गुरुपिसिनुं राजनय ज्य खँय मान येङन् आशिक बिये दउजु ।

भाजु राजन श्रेष्ठ हाबि आमुतु भीम माध्यामिक ब्वङकुठीकु इतिहास ब्वंकेउ दिवंगत जुई धोङ्गु जगतनारायण श्रेष्ठय ड्वाकुरी कय खेउँ । देशये राजनीतिक अवस्था त पुरान् विचारधाराकु मखे न्हुलु मुल म्वालेन् दोखुनु जनतापे हित य लागिन् स्वउ मि व व्यवस्था त मान्यता बिमल हङ खँ तयेन् आमुखुन्हु ज्येखँ धोन्केय खँ सिदत ययन चोन ।

मल्टिमिडिया ग्यालरी

Written by 

Related posts

Leave a Comment

error: Content is protected !!