बाँपीझ्याला, येँ । उ दँकु बलिउडलान् कान्स सोङ्गु किपा पर्व (फेस्टीभल) कु हेगौं कपडा (कार्पेट) कु लिङाउ नकिनपे लाईन गत्केङ खोई दत ययन चोन । गुङ व्यला नकिन ऐस्वर्या राय कान्सकु हेगौं कपडा (कार्पेट) कु लिङाउ यार्कचा नकिन जुउजु । लिवि नकिन सोनम न बाच्ता व्यला नाप्लत्चु । तर आउ गत्केङ नकिनपेन कान्स थेङन चोन ।
ईथीतु उ दँकु कान्स थेङ्गु नकिनपेन उर्वसी रौटेला, मृनाल ठाकुर, इशा गुप्ता, मानुषी चिल्लर हो सारा अली खान कान्सकु थेङ्गु खँ सिदत ययन चोन । तर पहिला पतक कान्सकु थेन्गु उर्वसी त फ्रान्सकु पापाराजीन ऐस्वर्या राय ठानेङन मान यङन्ली आउ थनुकेसी नकिन उर्वसी ट्रोल जुयन चोन ।

कान्सय हेगौं कपडा (कार्पेट) कु पोज विएन चोङन दिउ नकिन उर्वसी त कान्सय पिपान उयन पापाराजी न नकिन ऐस्वर्या राय जुयन पोज विएन दिईत ईनाप यङ खँ पित ययन चोन । आमुतु सोङ्गुकिपाकु थनुकेसी भाईरल जुयन नाम जायन चोन । तर उर्वसी त ऐस्वर्या हङन सर्तसङ ङिलेन टारेङ खँ पित सिदत ययन चोन । थनुकेसी उर्वसी मनस्टर सोङ्गुकिपाय लागिन् कान्स थेङन चोन । हुक्नलान् सोर्ङ ऐस्वर्या राय दुत यईत बाँकी दउतु खोई दमुनी ।