२८ बैशाख, बाँपीझ्याला, दोलखा । दोलखाको कालिञ्चोक गाउँपालिकास्थित मानेभट्टेलीमा विद्युत सर्ट भएर आगलागी हुँदा दुई वटा घर जलेर नष्ट भएको छ । आगलागीबाट कालिञ्चोक गाउँपालिका ८ मानेभट्टेलीका जीवनाथ शिवाकोटीको दुई वटै घर जलेर पुर्ण रुपमा नष्ट भएको हो ।
ढुंगा, माटो र जस्ता लगाएको घरमा गएराति करिव ११ बजे एक्कासि विद्युत सर्ट भएर आगो लागेको दोलखाका प्रहरी प्रवक्ता, प्रहरी निरिक्षक राजेश सिग्देलले जानकारी दिनुभयो । उहाँका अनुसार आगलागीबाट घरमा रहेको नगद ८० हजार, पाँच तोला सुन, अन्नपात, लत्ताकपडा, भाँडाकुँडा लगायत गरी करिव १० लाख १५ हजार बराबरको क्षति भएको छ ।
विद्युत सर्ट भएर आगलागी भए लगत्तै शिवाकोटीले थाहा पाएपछि कुनै मानविय क्षति भने भएको छैन । रातको समयमा लागेको आगो स्थानीय र प्रहरीको टोलीले नियन्त्रणमा लिएको थियो ।
