२५ वैशाख बाँपीझ्याला काठमाण्डौँ । लोकप्रिय गायिका अस्मिता अधिकारी र गायक बल बहादुर राजवंशीको स्वर रहेको रोमान्टिक गीत ‘सुस्तरी सुस्तरी’ सार्वजनिक भएको छ । युवा प्रेम र आकर्षणको भावनालाई व्यक्त गरिएको गीतका शब्द नविन श्रेष्ठले कोरेका हुन् ।
नागेन्द्र श्रेष्ठको संगीत रहेको गीतमा राहुल प्रधानको संगीत संयोजन रहेको छ । गीतको म्युजिक भिडियोमा नग्मा श्रेष्ठ र प्रवीण डिसीको अभिनय छ । भिडियोमा नग्मा र प्रवीणको अनस्क्रिन प्रेम र रोमान्स देख्न सकिन्छ ।
दिनेश पराजुलीको छायांकन, अमृत चापागाईको सम्पादन रहेको भिडियो जसबहादुर याक्खा (जसु) ले निर्देशन गरेका छन् ।
