बाँपीझ्याला, काठमाण्डौं । दोलखाको मेलुङ गाउँपालिकामा एक महिला मृत फेला परेकी छिन् । मेलुङ गाउँपालिका वडा नम्बर १ पवटी ३२ वर्षीया अम्बिका खरेल मृत अवस्थामा फेला परेकी हुन् । हिजो पवटीस्थित अधेरी खोलामा उनको शव फेला परेको दोलखाका प्रहरी निरिक्षक राजेश सिग्देलले जानकारी दिनुभयो ।
अहिले घटनास्थलमा प्रहरी टोली खटिएकाले विस्तृत विवरण आउन बाँकी रहेको दोलखा प्रहरीले जनाएको छ । उनको शव अहिले घटनास्थलमै रहेको छ ।
