बालकृष्ण श्रेष्ठ “पासा”
बाँपीझ्याला, काठमाण्डौं । पुराना दिनलाई विदाइ गर्र्दै नयाँ सालको उमंगमय शुभदिनको आगमनको पावन अवसरमा गौरीशंकर च्छोरोल्पा मिडियाको तेस्रो वार्षिकोत्सवको अवसरमा पारेर नयाँवर्ष २०८० सालको आगमनलाई स्वागत गर्दै सो मिडिया प्रा.लि.ले आज शुभकामना आदान प्रदान कार्यक्रमको आयोजना गरेको छ ।
प्रमुख अतिथि कवि तथा गीतकार अमर वान्तुको उपस्थितिमा भएको सो कार्यक्रमको सभापति नव गीत साधिका जानकी बज्राचार्यले गर्नुभएको थियो । आज नै जानकी बज्राचार्यको जन्मदिन समेत परेको अवसरमा नेपाली चलचित्र जगतका हस्ति हाँस्य एवम् करुण रसका दिग्गज कलाकार रेडियो नाट्यकर्मी एवम् जेष्ठ नागरिक महासंघका पूर्व अध्यक्ष मदनदास श्रेष्ठलाई माथि उल्लेखित विधाको लागि सम्मान गर्दै प्रमुख अतिथि अमर वान्तुको हातबाट दोसल्ला ओढाएर सम्मानपत्र सहित अभिनन्दन गरिएको थियो ।
आजको उक्त कार्यक्रममा ससाना बालिकाहरूबाट नृत्य प्रदर्शन गर्नुका साथै दोलखा जिल्लाका केही नव गायक गायिकाले गीत पनि प्रस्तुत गरेका थिए । आजको कार्यक्रममा समाज सेवामा लागेका धेरै संघसंस्थाहरूलाई विभिन्न शिर्षकमा प्रमाणपत्र सहित मायाको चिनो प्रदान गरेर सम्मान तथा प्रशंसापत्र पनि दिइएको थियो ।
सोही कार्यक्रममा दोलखाली समाजसेवी एवम् सहयोग दाता शोभित उप्रेतीले पनि विशेष सम्मानार्थ मायाको चिनो प्राप्त गर्नुभएको थियो । साथै उक्त कार्यक्रममा समाजसेवामा लागेका प्रेम पूर्ण प्रताप फाउण्डेसन सामाजिक संस्थालाई ससम्मान प्रशंसापत्र प्रदान गरिनुका साथै विभिन्न सञ्चारकर्मीलाई प्रमाणपत्र प्रदान गरिएको थियो ।
आजको कार्यक्रममा दोलखाका युवा नवराज शर्माले स्वागत भाषण गर्नुभएको थियो भने कार्यक्रमका सभापति जानकी बज्राचार्यले आफ्नो जन्मदिनमा शुभकामना दिनुहुने सबै शुभचिन्तकहरूलाई धन्यवाद दिँदै आपैmद्वार रचित गीत तिम्रो माया यो मुटुमा भन्ने गीतको विमोचन प्रमुख अतिथि तथा वरिष्ठ कलाकार मदनदास श्रेष्ठको हातबाट गराउनु भयो ।