२१ चैत, बाँपीझ्याला, एजेन्सी । इलोन मस्कले सामाजिक सञ्जाल ट्वीटरमा अर्को ठूलो परिवर्तन गरेका छन् । प्लेटफर्म ट्वीटरको लोगोमा रहँदै आएको निलो चरा परिवर्तन भई काबोसु कुकुरको चित्र ल्याइएको छ ।
मस्कले क्रिप्टोकरेन्सी डोजेक्वाइनमा रहेको कुकुर अर्थात् डगीको मिमलाई नै ट्वीटरको लोगो बनाएका हुन् । ट्वीटरका मालिक एलोन मस्कले यसबारे चर्चा गरेका छन्, त्यसपछि यो विश्वास गरिएको छ कि डग्गी ट्वीटरको नयाँ लोगो हुनेछ ।
सोमबार रातिदेखि प्रयोगकर्ताहरूले आफ्नो ट्वीटर खातामा नीलो चराको सट्टा कुकुर देख्न थाले । यो परिवर्तनपछि प्रयोगकर्ताहरू धेरै आश्चर्यचकित भएका छन् । यसको मतलब अब ट्वीटरबाट निलो चरा गायब भएको छ । यस पटक एलोन मस्कले ट्वीटरको लोगो परिवर्तन गरेका हुन् ।
प्रयोगकर्ताहरुले एक अर्कालाई प्रश्नहरू सोध्न थाले कि सबैले ट्वीटरको लोगोमा कुकुर देखिरहेका छन् कि छैनन् ? केही समयमै ३म्इन्भ् ट्वीटरमा ट्रेन्डिङ सुरु भयो ।
यसअघि कतिपय प्रयोगकर्ताहरुले ट्वीटर ह्याक भएर त्यस्तो भएको हुनसक्ने अड्कलबाजी गरेका थिए । तर त्यसको केहीबेरपछि मस्कले ट्वीट गरेका थिए । ट्वीटमा मस्कले ट्वीटरले आफ्नो लोगो परिवर्तन गरेको स्पष्ट पारेको थिए ।
यो परिवर्तन हाल ब्राउजरमा देखिएको छ भने मोबाइल एपमा भने पूरानै निलो रंगको चरा नै देखिन्छ ।
