बाँपीझ्याला, दोलखा । ६६ औं राष्ट्रिय सहकारी दिवसको अवसरमा परोपकार महिला साकोसले तिखातल प्रा.वि.लाई स्टेशनरीका सामग्री सहयोग गरेका छन् । भीमेश्वर नगरपालिका वडा नं. २ स्थित तिखातल प्राथमिक विद्यालयका ७७ जना विद्यार्थीहरूलाई स्टेशनरी सामग्री हस्तान्तरण गरिएको परोपकार महिला सकोसकी अध्यक्ष शर्मिला सापकोटाले बताउनु भयो ।
कार्यक्रम साकोसकी अध्यक्ष शर्मिला सापकोटाको अध्यक्षता र भीमेश्वर नगरपालिका कार्यपालिका सदस्य मुना श्रेष्ठको प्रमुख आतिथ्यतामा भएको थियो । कार्यक्रममा सञ्चालक समिति, कर्मचारीहरु, विद्यालयका प्रधानाध्यापक तीर्थ बहादुर जोशी, विद्यालय व्यवस्थापन समितिका अध्यक्ष सनम कुमार प्रधान श्रेष्ठ र संस्थाकी उपाध्यक्ष अप्सरा चौलागाई लगायतले शुभकामना मन्तव्य व्यक्त गर्नु भएको थियो ।
सहकारी के हो ? सहकारीमा किन बचत गर्नुपर्छ भन्ने कुराको जानकारी अब विद्यालय शिक्षादेखि नै हुनु जरूरी छ र सहकारी शिक्षाका लागि संस्थाले विद्यालयहरूसम्म पुग्ने तथा सामाजिक उत्तरदायित्व अन्तर्गत रहेर विद्यालयमा अध्ययनरत विद्यार्थीलाई केही आवश्यकीय सहयोग प्रदान गर्नु यस कार्यक्रमको उद्देश्य रहेको छ अध्यक्ष सापकोटाले बताउनु भयो ।
