बाँपीझ्याला, काठमाण्डौं । उपराष्ट्रपतिमा निर्वाचित रामसहायप्रसाद यादवलाई निर्वाचन आयोगले उपराष्ट्रपतिको प्रमाणपत्र प्रदान गरेको छ । शुक्रबार भएको उपराष्ट्रपति पदको निर्वाचनमा प्रतिष्पर्धी नेकपा एमालेबाट अष्टलक्ष्मी शाक्य, जनमत पार्टीबाट ममता झालाई पराजित गरी विजयी भएका यादवलाई आयोगका प्रमुख निर्वाचन आयुक्त दिनेशकुमार थपलियाले प्रमाणपत्र प्रदान गरे ।
कार्यक्रममा प्रधानमन्त्री पुष्पकमल दाहाल, पूर्वप्रधानमन्त्री शेरबहादुर देउवा, उपप्रधानमन्त्री एवं भौतिक पूर्वाधार तथा यातायातमन्त्री नारायणकाजी श्रेष्ठ, जसपाका नेताहरुले उनलाई बधाई तथा शुभकामना दिएका छन् ।
