२ चैत, बाँपीझ्याला, काठमाडौँ । मकवानपुरकाे मनहरी गाउँपालिका-६ नयाँ बस्तीस्थित पूर्वपश्चिम राजमार्गमा बस दुर्घटना हुँदा १४ जना घाइते भएका छन् । चितवनबाट हेटौडातर्फ आउदै गरेको ना ७ ख १३२६ नम्बरकाे बस दिउँसाे ३:४० बजे आफैं अनियन्त्रित भई सडक बाट २०/२५ फिट तल बारीमा पल्टिएको प्रहरीले जनाएको छ ।
दुर्घटनाका घाइतेमध्ये १३ जनालाई उपचारकाे लागि भरतपुर र १ जनालाई हेटौंडा अस्पताल पठाइएकाे इलाका प्रहरी कार्यालय मनहरीका प्रहरी निरीक्षक कृष्णराज ढकालले जानकारी दिए । घाइतेमध्ये २ जनाकाे अवस्था गम्भीर छ । बसमा करिब २० जना यात्रु रहेकाे प्रहरीले जनाएकाे छ ।
