बाँपीझ्याला, काठमाडौँ । गायिका अन्जु पन्तको नयाँ गीत ‘भीर माहुरी’ सार्वजनिक गरिएको छ । मोहन थापाको शब्द र आरसी रिमालको संगीत रहेको गीतमा गायिका पन्तलाई स्वरमा आरसीले साथ दिएका छन् ।
डान्सिङ शैलीमा तयार गीतको भिडियोमा मोडल रोशन केसी र अभिनेत्री प्रियंका कार्कीको अभिनय छ । भिजन शिवाकोटीको कोरियोग्राफी तथा निर्देशन भिडियो छ ।
भिडियोमा रोशन र प्रियंका प्रेमील जोडीको रुपमा भिडियोमा प्रस्तुत भएका छन् । उत्सव दाहालको छायांकन र विकाश दाहालको सम्पादन रहेको भिडियो नेपमेलो युट्युब च्यानल मार्फत सार्वजनिक भएको हो ।
