Search

जेम्स क्यामरुन निर्देशित साइन्स फिक्सन ‘अवतार : द वे अफ वाटर’ बन्यो नेपालमा अहिलेसम्म सर्वाधिक कमाउने हलिउड फिल्म

जेम्स क्यामरुन निर्देशित साइन्स फिक्सन ‘अवतार : द वे अफ वाटर’ बन्यो नेपालमा अहिलेसम्म सर्वाधिक कमाउने हलिउड फिल्म

बाँपीझ्याला, काठमाडौँ । जेम्स क्यामरुन निर्देशित साइन्स फिक्सन ‘अवतार : द वे अफ वाटर’ नेपालमा अहिलेसम्म सर्वाधिक कमाउने हलिउड फिल्म बनेको छ । प्रदर्शनको पाँच सातासम्म फिल्मले ९ करोड ५० लाख रुपैयाँ ग्रस कमाइ गरेको वितरण कम्पनी एप्पल इन्टरटेनमेन्टले जनाएको छ ।

दोस्रो सर्वाधिक कमाउने ‘स्पाइडरम्यान : नो वे होम’ (७ करोड ३० लाख) र एभेन्जर्स एन्डगेम (६ करोड ८० लाख)को रेकर्डलाई समेत यसले उछिनेको छ । के ‘अवतार २’ले नेपाली बक्स अफिसमा १० करोड कमाइको आँकडालाई पार गर्ला, यो कुरा भने अन्योलमा छ । केही मल्टिप्लेक्समा मात्र चलिरहेको र आउने बुधबारदेखि बलिउडको ‘पठान’ रिलिज हुने भएपछि ‘अवतार’को दोस्रो श्रृंखलालाई उक्त कीर्तिमान राख्न चुनौतीपूर्ण हुने देखिन्छ ।

अहिले पनि क्यूएफएक्ससहितका मल्टिप्लेक्समा क्यामरुनको यो फिल्मले विकडेजमा समेत १० प्रतिशत अकुपेन्सीसहित कमाइ गरिरहेको छ । भारतमा एभेन्जर्स एन्डगेमको रेकर्डलाई तोड्दै यो फिल्मले ४०० करोड भारु निकटको कमाइ गरेको छ । विश्व बक्स अफिसमा यो फिल्मले झण्डै दुई बिलियन डलरको कमाइ गर्नतर्फ अग्रसर छ ।

नेपाली बक्स अफिसमा सर्वाधिक कमाउने फिल्म चाहिं ‘बाहुबली’ हो, जसले २४ करोड रुपैयाँ हाराहारीमा कमाइ गरेको छ भने धेरै कमाउने दोस्रो फिल्म ‘कबड्डी ४’ हो जसले २३ करोड ८० लाख हाराहारीमा कमाइ गरेको छ । नेपालमा हलिउड फिल्मले झण्डै दुई अंकको कमाइ गर्नुलाई पनि महत्वपूर्ण मान्न सकिन्छ ।

मल्टिमिडिया ग्यालरी

Written by 

Related posts

Leave a Comment

error: Content is protected !!