रेजिना चाकुबजी श्रेष्ठ : साथी कल्याणकारी खलक, हाखेनय थापनाय नायः
द्वाल्खा जिल्ला भीमेश्वर नगरपालीका वडा ल्याखाः २ लिष्टोलकु बा स्व. कालिदास चाकुबजी व मा स्व.नन्दप्यारी प्रधान चाकुबजीय कोखलान् २०३६ दँ चैत्र २४ तिथीकु जन्म जुउ कान्छी मिच रेजिना चाकुबजी श्रेष्ठ खेउ ।
रेजिनाय सोम्ह दाजुकिज, रमेश चाकुबजी, जिवन चाकुवजी व मनिष चाकुबजी खेउ । आन्थितु पेम्ह तितिकेहेकु विमला चाकुबजी, कमला चाकुबजी, अधिना चाकुबजी व रेजिना चाकुबजी खेउ ।
एक कलासन्नसी ५ कलासटुल्ले राजकुलेश्वर ब्वङकुठीकु व्वङन ५ कलासनन्सी एस.एल.सि. टुल्ले भीम माध्यमिक ब्वङकुठीकु व्वङनलि येँ ययन् पद्मकन्या कलेजकु आई.ए. टुल्के ब्वङन तयनदिउ मयजु रेजिना येँ असन त्यौड (तुँबाल) चोङन दिउ भाजु कृष्ण बहादुर श्रेष्ठ व मयजु रामेश्वरी श्रेष्ठय जिकुसल कान्छा कय् भाजु केसन श्रेष्ठनाप २०६२ दँकु व्यहा जुयन दिरहिन् । मयजु रेजिनाय निस्मह कयपेन दमु ड्वाकुरी कय् बाबु रेकिन श्रेष्ठ व चिचाउरी कय बाबु क्रिमण श्रेष्ठ खेउ ।
ब्युटीसिएन तालिम कायन थनु सोयन खुदँ हाखेनन्सी प्लस ब्युटी शैलुन ईन्द्रचोककु ज्य यङन ययन चोङन दिउ मयजु रेजिना गत्केङ मन्त्यात्के कत्छीन्के ज्य गरी फउ मयजु खेउ । ईथि जुयलागिन् थउ नाप ब्वङ मिसा ओन्सा साङतपासापेन मिलई जुयन नाप ज्याङन हातिङ यरी फयउरा हङन २०७४ दँकु साथी कल्याणकारी खलक चल्के नायः जुयन थनु आम खलकय थापना यकु नायः नामलान् नाम जाके चोङन दिरहिन् ।
थउ स्वःनिगकु व्यहा जुर्सङ माईती छेँ आले थउ बुय ठाँईत यल्पुन थिगुरतु माया लगई जुयलागिन् थउ जन्म ठाँई दोखुनु सोयन ड्वाकु हङ ल्याखाः तयन दिरहिन् ।
मेवु खँ हाति हर्स द्वाल्खा शहर दोखुताकु हाखेन जुयनुङ आकु छिजिन् न्हुन हाय मा भाषा द्वाल्खाय नेवार भाषा, संस्कृती आले परम्परान यल्पनुङ दोखुसेत नाप ट्वाकस्याङन तईरी ज्य खँ यङन तय जुयलागिन् वय संरक्षण यरी मल हङ मयजु रेजिनाय थउ खँ दमु ।
वय नाप नापङ दोखुनु दाजुकिंज, तिताकेहेपिस्त ड्वाकु नखत महनी, नाप ययन चोन्गु तिवार, नेपाल सम्वत् व छठपर्व व्यलाकु भिङ्गु टोङ खँ प्वन्के दिरहिन् ।
