द्वाल्खा देशकु घत्कें मिपिसिन् जन्म काये दमु । हाबि हाबिन्नसि तु द्वाल्खा थिगुर जागीर नउपे खलक व बुँ स्वाँराकु ज्ये येकु किसानीय् नाम न ओँसिये ठाइँय् नामन लोककु नाम जाउ ठाइँ खेउँ ।थिता उखानुं दमु ‘जागिर मनउ द्वाल्खामि हो व्यापार मयेकु धुलिखेलमि उ लोककुतु मदज्येउ’ हँगन् । द्वाल्खाकु पुलिसखेनन स्वर्न सिपाहीँन नसि डिएसपि टुल्के, अदालतकु स्वर्न पिउन्नसि मूल न्यायधिस महात्याधिवक्ता टुल्ले, मास्टर खेन्न चिचा ब्वङकुठीन्नसि ड्वाकु कलेज टुल्के, मुलकु ज्ये येकु ज्येमिन्नसि इन्जिनियर टुल्के, आले प्याखन मुचा, म्ये हल्गु, बाजा ठ्याकु थिनागु मिपे मूल छेँ उ द्वाल्खाय् बयान् येँगन् हाति साध्य… !
इथितु खँ ल्हाइ मल्नसिन् द्वाल्खाय् म्यासमुचापेन् मथ्येंगु ठाइँउङ् गिबिङ् मदजेउ शायद, नेपाल देशय् पूर्व व पश्चिमटुल्के जुकुन् मखे उ देशलान् पित भारतय् दार्जिलिङ्, आसाम, कर्साङ, सिक्किम, मलाया, बर्मा, भुटानटल्के थ्येंगु दमु ।
उ तु खँय् ल्याखाःकु द्वाल्खा शहरय् कोतबिहार्छे ट्वाल थिगुर घत्कें नाम जाउ ठाइँ खेउँ । उ ट्वालकु प्रधान खलक हो श्रेष्ठ खलक निस्खलकपेन् च्वनहिन् । उ निस्खलकय् सन्तानकु जन्म कायेन् येउ थिम्हा मि खेउँ भाजु स्टालिन श्रेष्ठ । बा दिल्ली बहादुर श्रेष्ठ व माँ पूर्णलक्ष्मी श्रेष्ठय् ड्वाकुरी कय् भाजु स्टालिन श्रेष्ठय् जन्म विक्रम सम्वत २०१२ दँ अशोज १९ गते जु खेउँ । भाजु स्टालिनज्यूय् माँय् बुय् छेँ द्वाल्खाय् कोबिन ट्वालय् राइती ओङ मूलोँ काञ्जीहाउस नाप खेउँ । निस्म्हा दाजु किँजकु ड्वाकुरी कय् भाजु स्टालिन्न द्वाल्खाय् भीम पब्लिक ब्वङ कुठीकु ब्वँग खेउँ ।
ब्वँग कुठीलान् एसएलसी पास येँगन्ली कलेज म्वओँगन् सिधै पुलिसकु जागीर नइत जायेन्दिय् खेउँ । झिम्नस्दटुल्के पुलिसय् जागिर नयेन् पेन्सन जुयेन्लि विक्रम सम्वत २०६३ दकु नेकपा एमाले पार्टीकु स्वाक्टायेन् राजनीतिक मूलोँकु लिङाय् खेउँ । नेकपा एमाले पार्टीकु स्वाक्टायेन्लि आँकु तु वडाय् ज्येकुमि (छ्यान्जे) जुयेन् लिबि संगठित दुज जुयेन्दिय् खेउँ । आले लिबि क्षेत्रिय दुज जुयेन् येय् खेउँ । मूल छेँ द्वाल्खाय् ड्वाकु शहर दुपान जुर्सं थउ बा हो माँपेन् तामाकोशी खोय् तिरकु दउ नागदह हँग ठाइँकु च्वँगलागिन् भाजु स्टालिनय् मुचाताक्कुय् ब्याला आमु तामाकोशीय् जउखउकु तु म्वउ खेउँ ।
२०७२ दँकु येउ ड्वाकु भूखाप न मुलूकय् घत्कें ठाइँकु घत्कें छेँ, द्यउ देगलपेन् ठुँगन् बियेताक्कु आपदकु च्वंगुपिस्त भाजु स्टालिन्न घत्कें ग्वाहार बिये खँ दोखुसेनुं सिरै । बाँमलकु ब्यालाकु ग्वाहार बिइउरि तु मिपे लागिन् ड्वाकु धर्म खेउँ हँगन् भिंगु टोंगु मिमध्येकु भाजु स्टालिनुं थिम्ह खेउँ । हाबि हाबि घत्कें टायेन् थिनागु चाइदउ नेगल, स्वाक्लो, दिलढुंगा, फुलपाकु मटर मूलोँ थेंकेइत घत्के.ज्ये येँगन्तये खोइँदमू ।
सामाजिक ज्येकु घत्कें दिलोज्यान बियेन् च्वंग खोँगन् तु नेकपा एमाले पार्टीय् जिल्ला कमिटी हो क्षेत्रिय कमिटिन् वडा नाय्कु ल्वाप्ठोँग खेउँ । इथि जुयेलागिन् तु भाजु स्टालिनत भीमेश्वर नगरपालिकाय् मिपिसिन् रसतायेन् त्यात्के बिये खेउँ । ईथितु आउ वडा दुपानाय ज्य खँपेन थउ मि हो पर मि हङन मापाके दोखुनुनाप सर–सल्लाह यङन भाषा, संस्कृती हो परम्परापे जर्गेना यङन द्वाल्खाय नेवार जातीपिस्त दोखुसेत ओसिकेईय लागिन् बाँलकु ग्वाहार यङन मल्गु हो महत्वय ठाँईकु ढ्यावा छुट्याङन वडा हिल्लकेईय लागिन् द्वाल्खा भीमसेन देउकु आशिक फोङन चोनगु ।
नेकपा एमालेय् ङामाय् खलकतु त्याङकु दोखसेतं छिजि बाँपीझ्याला अनलाईन खेन्नलान् भिंगु टोनगु ।
