बाँपीझ्याला, द्वाल्खा । द्वाल्खाकु वंगु चौलाथ्व (चैत महिना) कु जु निस्सर द हाबिन्नसि चल्याङ भवानी हरसिद्धिय् जात्रा जुर । उ थिता रसताइदउ हो गुल्पनुं लुम्वओन्केइ मफये खँ खेउँ । आन्थिनुं उ जात्राय् बारेकु दउ मदउ जु म्वजुय्ल्याखाःकु घत्कें खँ ताइदत न्येइँमल्दन । चैत २१ तिथीन्नसी २४ तिथी टुल्के चल्यारि मल्गु निस्न्हुकु तु धोन्कइ मल्गु कारण हाति खेउँ ? हङ बारेकु मन चल्के गुनानुं लिसर (जवाफ) मबिउनी हँग खँङ् पिपान ताइदयेन् च्वन वय् लागिन् व्यवस्थापन पक्षय् मिपे हातिं खँ पित माहाय कारण हाति ?
व्यवस्थापन पक्षकु च्वंगुपेन् ड्वाकुन्दांगु बुद्धिजीवि सिउताउ तु दउ खेउँ । गुनान् गुनान् हाती टुल्के हरि लगैजुर हर्स उ जात्राय् नाम जुकुन् पिपान चोकेर्हिन् गुलि जुइमल्गु आम्लि म्वजुर, उ ज्येखँ कु थिम्हा निस्म्हा खटैजुर्सं बजारिया लोकप्रिय जुइत जुकुन् खटैजु खोइँदत, दोखुनु ज्ये द्वाल्खाकु च्वंगु पिसिन् पुरा जइधोन्जु हङन् येँ देश (काठमाण्डौ)कु ड्वाक्कु प्रचारबाजी येँग दउजु आमु अनुसार द्वाल्खाकु जु खोइँमन्त ।
इतिहासकु तु नामजाउ उ हरसिद्धि भवानी प्याखन्ये मूल खँ तु ज्येखँय् ग्वसाग्व (आयोजक) पिसन् ियेँग खोइँमन्त । यल देश (पाटन) लान् येउ द्यउगण खलक दोखुसेतं लसकुस येँगन् अबीर जात्रा येँगन् पाखलतीलान् जोगीनद्यउ, थाब्नसेङ, भीमसेन द्यउ, द्येक्वार उके नाश्वरद्यउकु बक्स्याङन् जुकुन् बहिरय् चक्र डोबरकु थ्येन्केयेन् ओतीय् नारान्चालान् गण्ेश द्यउकु येइँमल्गु जु आमु हात्त म्वजुर ?
सिंगबनलान् सिधै कोत राजहिटी खेन्न येन्सं गणेश द्यउकु तयेन् पूजा येँगन् नाश्वर दुङ्रगलकु अनिवार्य येइँमल्गु द्वाल्खाय् हाबिय् चलनततु वास्ता मयेँगन् थउ थउ ल्याखान् हडबढे तालन ज्ये येँगन् झारो टारेरिउरि ज्ये जुकुन् येँग खोइँदत । आमताक्कु द्वाल्खाकु येल्पनु च्वंगुपिसिन् हँग खँ त येँ देशलान् येउ जान्नेसुन्नेपिसिन् तायेनुं मातायेथेँ येँगन्… ल ल ल ल जिर जिर दोखुनु खँ मिलैजुर हँगन् थउ थिम्हा जुकुन् दोखुनुं सिउताउ जुयेन् क्येँगकु गुन्तं चित्त बुझैम्वजु खँ ताइदत ।
आउ येउता जुर्सं ज्ये खँ वा धोन तर आमे हरहिसाब, समीक्षा येरिमल्गु जु हात्त मुथुकु पल्ट चिँगन् सुम्मके च्वँग जेउ हँगन् दोखसेनुं चासो पितकायेन्तये खँ पित ययेन्च्वन । उ खँय् लिसर गुनान् बियेउ ? उ हरसिद्धीय प्याखन ग्वसाग्वउ खलकन वय बारेकु चारङ खँपेन पित हार्स फेसवुकय भित्ताकु वय बारेकु हातिङ मेवु खँ पित मायाउ रा ?
