Search

प्याखन्–द्वाल्खा स्वर्न

प्याखन्–द्वाल्खा स्वर्न

बालकृष्ण श्रेष्ठ “पासा”
थिगर बस् ययेन् पाखलतिय् पुखुर नाप जाउदिर । आमु बस (मोटरलान्) थिहुल् मिपेन् पितयर्हिन् । आमु हुल्कु द्वाल्खाय् निस्मा मयजु नेम्ला व नक्तिपिसिन् थउ नापयउ साङत पिस्त थिठाइँ ग्वार्मुङन् हरिलगैजुर,

नेम्ला ः स्वउ ना नक्ति ! छिजि ठाइँ वा हाबिय् थिनागु खोइ मद हारा ?
नक्ति ः हात्तले हाबिङ् उ तु पाखलती खेङ्, आउङ् पाखलति तु हाति ब्यागल खोन्मुन् ले ?
(आपे निस्मान् थउ थउ जुकुन् खँ लायेन् च्वङ खोङन् नापयउ मध्ये थिमा भाजु सर्ग (गगन) न् टिक्रेङन् हातिं हरि म्वाले खोङन् नक्तिन् ङेन्जु)

थयेत उ द्वाल्खाय् ठाइँ खोङन् आश्चर्य जु थिनागु,
सर्गः खेङ्ले नक्ति, छिन् जन नुगरय् खँ तु थुर्मुन्, जिन् ब्वङ पति दुन्दु सो्ंगु किपाकु खोङ थिनागु स्वइ दयेउ मखेरा हङ थें तार्गि हात्त हर्स, छिपे उ द्वाल्खाय् बस दिलो (बसपार्क) हतमिन्, ग्वाले उकुवा हतिइथि ड्वाकु ड्वाकु होटलुं खोइँमद, मटरपेनुं थिगर निस्गर जुकुन् (आम्ताकु तु नेम्लान् हत्चु) उ वा मोटर दिकेइरि ठाइँ जुकुन् खेङ् क सर्ग, उकुलान् यउ मटर मिपेन् कोतकारै आले सुन्खानी, सुस्पा हङ ठाइँवन आले आँकुलान् सिंगटी जुयेन् तामाकोसी ईतार पितकाय् ठाइँ टुल्के यनै क । आउदार छिजि द्वाल्खाय् टुटीकु जुकुन् थेन्गु । म्वग्र व छेरपेन् स्वइ त वा ल्येङन् च्वन नि ! ल आउ उइँलौ होटलकु कुम्लो काम्लो तइलौ निजा नयेन् द्वाल्खा स्वइत उइँमल ।

(नेम्लान् आन्थि हङन् लि दोखुनु साङतपेन् द्वाल्खाय् थिगुर होटलकु वन्हिन्, थउ थउ झोला कुम्लो काम्लो थउ थउ कुठाकु तयेन् निजा नइत होटलय् निजा नकेय् ठाइँकु थेन्हिन् । होटलय् साहु जुयेन् च्वंगु गंभीर मान भाजु बाँलस्के लसकुस यङन् थउ होटलय् ज्येखँ क्येङन् बिर्जु । निजानाजा नइ दोन्केयन्लि दोखुनुं द्वाल्खाय् ट्वाल् द्येउय् कुठी छें पेन् स्वइत सिंगबनलान् थालेरि खँ जुर ।)

(सिंगबनकु दुत स्वाक्टाइ धोन्के नेम्लान् थउ नाप हाय् साङत पिस्त हत्चु )
नेम्लाः लौ स्वसिन् साङत पेन्, उ बनय् नाम सिंगबन खेङ,
(थिमा पाहुना साङत झरनान् भातिचा घ्याकु ल्याखान् हत्चु,)
झरनाः उकु सिंगङ् दमुरा ? जि वा सिंग धुँ व बिकर हत्चु कि घ्यातगि‘ !

नक्तिः (भातिचा हाखेन ययेन्) आ आनागु घ्यारिमल्गु हातिं माया, उ बनय् नाम सिंगबन हात्त तय् हर्स उकुलान् तु हाबि हाबि ड्वाकु ड्वाकु लुङा येङन् ल्हाहान् तु बुट्टा पितकायेन् सिंगय् थिमा थिमा तु सिंग दकेयेन् भीमसेन द्येउय् ठ्वठो जउ खौ कु तये दमु, आमु सिंगय् प्रतिरूप अझटुल्के दमु, उ तु कारण न उ बन त सिंगबन हङ खेङ् ।

सर्गः (भातिचा हतार चायेन्) ए आन्थि हर्स स्वर उइँलौ ना ले, आमु सिंग गिनागु जिन, स्वइमलेउ क ,
(आम्ताक्कु तु द्वाल्खाय् बारेकु बाँलस्के सिउताउ नाम जाउ ड्वाकु बाजे यउ खोइँदत । नेम्लान् हाखेन् वङन् ड्वाकुबाजे त स्याउदार्जु आले दोखुनु साङतपिस्त सत्त ओसिंके हत्चु ।)
नेम्लाः ल उकु सोइलौ साङतपेन्, उकु इसि द्वाल्खाय् दोखुनु स्वयेन् ड्वाकु बाजे बुद्धिमान श्रेष्ठ । दोखुसेनुं ओसिंके तइलौ ।

(दोखुसेनुं स्याउदार्हिन् आले ड्वाकु बाजेन् आशिक बिर्न बिर्नं हत्चु) भाग्यमानी जुयेन् च्वन् पुतापेन्‘ आले पुता ( नेम्ला व नक्ति त स्वयेन् ) जिं वा बाँलस्के ओँमसिर्गि ले, !
नक्तिः ‘लौ बाजेन् इसित ओंमसिर्गुरा‘ जि कोब्नय् भाजुमान्य् छय् आले उ नेम्लारि थाब्न ड्वाक्छेंय् धनवीरय् मिच छय् क ।

ड्वाक्बाजेः ए, जिं गिथियेङन् ओँसिकेइ फइले थन्केसिय् मुचापेन् काँकर सिमा ड्वा्कउथें हलक्क ड्वाकरहिन् ।
नेम्लाः बाजेन् गिथि ओसिँयेन्दियेउले छिजि हाईस्कूल पास जुये कत्नङ् येँ देशकु कलेज ब्वन्द वँग…आमताक्कु छिजि मुचापेन् त जुउ जु आले‘
आले बाजे फरगुले‘ ?

ड्वाक्बाजेः फरगी पुतापेन् अझटुल्के निस्पाटुटी सोंकेइ फरगीतुनि‘ आले छिपेन् थिहुल् तु ययेन् च्वनमिन् हातिं ज्ये खँ दउरा‘ ?
नक्ति ः हजुर बाजे इसिनाप ययेन् च्वंगु दोखुनु साङतपेन् थिगुर तु कलेजकु ब्वंगुपेन् खेउँ, उपिस्त छिजि द्वाल्खाय् ठाइँ, उकुय् नखतचखत, रीतिरिवाज, द्येउपे देगल आले जात्रापेन् गिनागु खेउँ हङन् थुके काइत ययेन् च्वनहिन् क बाजे ।

ड्वाक्बाजे ः ए खेङ् रा पुतापेन्‘? घत्केङ् बाँलकु जुर‘ थउ ठाइँ ओसिंके तइरी बाँलकु‘ ल हातिं खँ न्येइँ मल्स हतुन् !
नेम्लाः जिर बाजे, बाजेत नापलत्न मन तु रसतार, थनु इथि साङतपिस्त ठाइँ ओसिँकेइ त येइँ टेनगु, केसि निच्छि बाजे नाप च्वङन् दोखुनु खँ सिके काइमल । (साङत्पे खेन्न स्वयेन्) ल साङत् पेन् थनु इसि बाजे त नापलत्कु घत्केङ् खुसी चार्गु, केसि निच्छि बाजेन् छिजित उ द्वाल्खाय् दोखुनुं हङन् दियेउ, ‘थनु उइँलौ कोब्न खेन्न (दोखुसेनुं छेर सोंके जिर हत्हिन् ड्वाक्बाजेनुं केसि नापलरि त वचन बियेन् जायेन्दर्हिन् । दोखुनुं सिंगबनलान् कोत हाबिचाय् डाँडाखेन्न वन्हिन् ।)
ल्येंगु–लिबि ययउ …

दोलखाको चाडपर्ब तथा जात्राहरु

Written by 

Related posts

Leave a Comment