-कल्पना श्रेष्ठ महर्जन
छिजि माबुँ खेउँ द्वा्ल्खा,
चल्के तरइ जेउ मुलखा ।
गुन्ला जात्रा स्वर उइँलौ,
क्वाकु ती त्वइँत थेइँलौ,
माँबा मदर्सं दाजुकिँज दमु,
थौछें मदर्सं तिताकेहें दमु,
छिजि माबु खेउँ द्वाल्खा,
चल्के तरइ जेउ मुलखा ।
डापा खलक बाजा ठ्याङन्,
टपराकु बजी व कें छ्याङन्,
दाजुकिंज कालिन्चोक वयङ्,
सोंतले पोककु दोखुनुं च्वयङ्,
छिजि माबुँ खेउँ द्वाल्खा,
चल्के तरइ जेउ मुलखा ।
चतुर्दशी खुन्हु पुलेन् ययेउ,
द्येउदारा सिमा बुयेन् ययेउ,
हेंगके सिंदर स्वन तयेन्,
यइ टेनइ वा फस फयेन्,
छिजि माबुँ खेउँ द्वाल्खा,
चल्के तरइ जेउ मुलखा ।
द्वाल्खा शहर थिगुरी उयेन् ,
बाहाकु द्येउदारा सिं बुयेन्,
जात्रा ङाकेइ तु टेनइ जेउ,
ड्वाकु डाकस -केनइ जेउ,
छिजि माबुँ खेउँ द्वाल्खा,
चल्के तरइ जेउ मुलखा ।
नारान्चाकु होमजग्ये यङन्,
डाकस न स्वरै नाप तु थेङन्,
पुखुर ज्वाले स्वइत ब्वाङन्,
स्वरहिन् आँकु थौथौ ल्वाङन्,
छिजि माबुँ खेउँ द्वाल्खा,
चल्के तरइ जेउ मुलखा ।
रास्कुल हाखेन् डाकस थ्येङन्,
थिपा टुटीन् चुयेन् हुयेन् केङन्,
पुन्हिस् खुन्हुये जात्रा दोन्केरै,
छेंकु वङन् क्वाकु ती त्वन्केरै,
छिजि माबुँ खेउँ द्वाल्खा,
चल्के तरइ जेउ मुलखा ।
……………………………
२०७८/०५/०४
बुये ठाइँ- द्वाल्खा-२,
आउये छें- लाजिम्पाट -२