Search

पवनदिप न आइतबार बल्ली १२ गुरऔं ‘इन्डियन आइडल’ त्याकु ल्याखाः नाप लङन तरै

पवनदिप न आइतबार बल्ली १२ गुरऔं ‘इन्डियन आइडल’  त्याकु ल्याखाः नाप लङन तरै

बाँपीझ्याला, येँ । भारतीय टेलिभिजनय नामजाउ सिंगिङ रियालिटी शो ‘इन्डियन आइडल’ न आइतबार बल्ली १२ गुरऔं त्याकु ल्याखाः नाप लङन तरै । इन्डियन आइडलय १२ गुरऔं सिजनय त्याङनदिउ पवनदीप राजन। सिरपाउकु आमुन ट्रफी, २५ लाख भारतय टाका व कार नाप्लत्चु ।

भारतय स्वतन्त्र दिवशय व्याला लत्के १५ अगस्टय बल्ली ग्वसाग्वय फाइनल करिब १२ घडी हिले खेउ । फाइनलकु पवनदीप नापअरुणिता कान्जीलाल, मोहम्मद दानिश, शन्मुख प्रिया, निहाल तारो र शायली काँब नाप थेङ्गु जु ।

भाजु आदित्यनारायण झा न होस्ट यङ फाइनलकु भारतय नामजाउ म्ये हलेनदिउ न थउ म्ये प्रस्तुत यङ खेङ ।

पवनदीप सिजनय शुरुनन्सी तु निर्णायक, दर्शक र प्रतिष्पर्धी टुल्ले प्रिय बनई जुउयन चोन्गुजु । आमुन म्ये हल्ङसीन बाजाकउङ थउतु ठ्याकु जु । म्ये हलेन दिउ भाजु बप्पी लहरी न आमुन थउ तम्बलतु सिरपाउ बिय खेङ ।

पवनदीप उत्तराखण्डय खेङ । आमे बा ङ म्ये गायक खेउ । पवनदीपन मुचान्नसी हलिउली व ठ्यारीउरी ज्य खँ त नाप नापङ हाखेन यङ खेउ । पवनदीप न सुईला दउ ताक्कु तु तम्बल ठ्याङन सिरपाउ त्याङ खेउ ।

उ सोयन हाखेन आमुन द भ्वाइस अफ इन्डिया य टाइटल त्यारी धोन्के तयन तरै । सन् २०१५ कु आमु सिरपाउ नाप आमुन ङैगुर लाख भारु टाका व अल्टो कार लाहाकु लत्केय खेउ ।

Written by 

Related posts

Leave a Comment

error: Content is protected !!