Search

कोभिड–१९ विरुद्धको खोप लगाउने केन्द्र विस्तार गरी १६ हजार पुर्‍याउने

कोभिड–१९ विरुद्धको खोप लगाउने केन्द्र विस्तार गरी १६ हजार पुर्‍याउने

७ साउन, बाापीझ्याला, काठमाडौं । सरकारले कोभिड–१९ विरुद्धको खोप लगाउने केन्द्र विस्तार गरी १६ हजार पुर्‍याउने योजना बनाएको छ । उक्त कुरा स्वास्थ्य तथा जनसंख्या राज्यमन्त्री उमेश श्रेष्ठले सामाजिक सञ्जाल आफ्नो खाता ट्वीटरमार्फत खोप केन्द्र १६ हजार पुर्‍याउने सरकारको योजना रहेको सार्वजनिक गरेका हुन् ।

जनस्वास्थ्य विद्हरुले खोप केन्द्र व्यवस्थित पार्न नसक्नुलाई सरकारको व्यवस्थापकीय कमजोरी बताउँदै आएका छन् । खोप केन्द्र व्यवस्थित पार्ने काम सामान्य भएपनि व्यवस्थापन पक्ष फित्तलो बन्दा नागरिकले अनावश्यक रुपमा सास्ती खेपेर जोखिमपूर्ण तरिकाले खोप लगाउन बाध्य बन्नु परेको विज्ञहरुको भनाइ थियो ।

जनस्वास्थ्यका मापदण्ड पालनामा हेलचेक्र्याइँ हुँदा खोप केन्द्रबाटै संक्रमण सरेका धेरै व्यक्तिहरु अस्पताल आउने गरेको चिकित्सकहरुले बताउने गरेका छन् ।

खोप केन्द्र अव्यवस्थित बनेको भन्दै जनगुनासो बढेपछि स्वास्थ्य राज्यमन्त्री उमेश श्रेष्ठले सोमबार काठमाडौंस्थित शिक्षण अस्पताल, चपलीहाइट लगायतका खोप केन्द्रको अनुगमन गरेका थिए ।

स्वास्थ्य राज्यमन्त्री श्रेष्ठले लेखेका छन्, ‘अहिले ४ हजार ४ शय २२ खोप केन्द्र रहेकोमा खोपको आपूर्ति बढाएर १६ हजार खोप केन्द्रबाट कोभिड–१९ विरुद्धको खोप वितरण गर्ने योजना छ ।’

मल्टिमिडिया ग्यालरी

[embedyt] https://www.youtube.com/embed?listType=playlist&list=UCrfKpAHWbiEIg0uksaq5iKw&layout=gallery[/embedyt]

Written by 

Related posts

Leave a Comment