Search

सोङ्गुकिपा ‘प्रेमनाथ’ डिजिटलकु खोईदउ जुर

सोङ्गुकिपा ‘प्रेमनाथ’ डिजिटलकु खोईदउ जुर

बाँपीझ्याला, येँ । नेपालल्ये घत्केङ् हाखेनये बाखन्कु दउ खँ त ग्वार्मुङन् दकेय् सोंगु किपा “प्रेमनाथ” डिजिटल प्रविधिलान् पित काइटेङ खँ सिदत ययन चोन । माया, मतिनाये बाखन् त नाप तयेन् दकेय् उ मत्याङ बाखन “प्रेमकथा” हङ सोंगु किपा डिसहोम, नेट टिभी नापं ईन्टरनेट प्रविधिलान् तु दोखुसेतं स्वइत सहज जुयेउ हङन् यिनागु ज्ये खँ येरिटेङ हङन् उ सोंगु दकेउ व ढ्याबा तउ मूल मि निर्देशक भाजु गणेश बेलाबासेन् थउ खँ पित हायन तरै । उ भाजु बेल्बासे बुढासुब्बा डिजिटल चल्याकु थिमा नाम जाउ मि खेउँ ।

दोखुनु स्वयन् हाखेन यउ कोरोना महामारी ब्यथाये कारण न सोंगुकिपा चल्याकु छें (हल) पेन् दोखुनु चल्केइ मजियेलागिन् कुठा दुपानतु थन्क्याङन् तै मल्गु बाध्यतान् यत्न घत्केङ् ज्ये खँ ड्याङन् (घाटा) वंगु जुर । उ तु कारण न यल्पनु सोंगु किपा दकेइ त आधार पित ययउ मखेरा हङ थें लगैजुयेन्लि आउ सोउ मिपिस्तं सहज थ्वजु, ढ्याबा ग्वार्मुइतं ठामकयेन् थ्वच्वँ हङन् उ डिजिटल प्रविधिलान् केइँ म्वाले खेङ् हङ खँ निर्देशक भाजुये खँलान् सिदत ।

उ सोंगु किपाये बाखन् रि २५ सय दँ हाखेनये माया मतिना खँकु आधारित दये लागिन् उ सोंगु किपा डिजिटलकु बाँलस्के तु चलैजुयेउ हङ विश्वास दकेउ मिपिसिन् यङन् च्वङ खोइँदमु । उ सोंगुकिपाकु सूरवीर पंडित, गजित विष्ट, नवीन श्रेष्ठ, कमल गाउँले, गणेश बेल्बासे, मियुम जिरेल, शेखर जंग मल्ल, मयजु पूजा रिजाल, सम्झना भेटवाल व सिर्जना राई पिसिन् मेथय् उ सोंगु किपा खेउँ ।

चैतये २२ न्हुन् नसि पितयउ उ सोंगुकिपाकु न्हुलु नाय् मयजु कृति गौतम व मोनालिसा बिष्टन् ज्ये शुरु यरिटेङ खेउँ । काठमाडौं, लुम्बिनी, रोल्पा, लखनउ व दाङकु वङन् दकेय् उ सोंगु किपाकु मूल ढ्याबा तयन् ज्ये यकु मि गुहेश्वरी बेलबासे खेउँ । कार्यकारी निर्माता भाजु कपिल प्रसाद दबा, सह–निर्माता भाजु बसन्त राज भट्ट व भाजु मिलन राई च्वङन् दिरहिन् । उ सोंगु किपाकु ल्वाङ खलकु भरत क्षेत्रीन् निर्देशन यङ दमु हर्स म्ये चिंरि व लय तइरिकु सन्तोष श्रेष्ठ, भुपुपाण्डे व यश डि योगि च्वङन् दिरहिन् ।

मल्टिमिडिया ग्यालरी

[embedyt] https://www.youtube.com/embed?listType=playlist&list=UCrfKpAHWbiEIg0uksaq5iKw&layout=gallery[/embedyt]

Written by 

Related posts

Leave a Comment