Search

साङ्घाईय थिगुर मत्याङ बाखन

साङ्घाईय थिगुर मत्याङ बाखन

जन ताताय कय हङकङलान् क्याम्पस शिक्षाय लागिन मुल थलो चीन यर । आमुन थउन मनन मत्याङ मिसामीय खातिर इथि यङन चोङ्गुजु । मिसामि क्याम्पस बोईत साङ्घाई यर । आपेन ब्यागल ब्यागल क्याम्पसकु बोङ्गुतन जुजु । आपे बोङ क्याम्पस गत्केङ टायन जुउजु । मिसामी नाम गत्केङ आकर्षित जुयलागिन् वन्सा हरेक हप्ता विदा खुनु मिसामित नापलरित सुनितु बस गउजु । दुई घडीकु मिसामि चोङ्गु कोठाकु थेङन ड्वाकु सरन मिसामिय नाम कायन सत्तउजु ।

गर्छिनली छेँकु ज्य यकु मिसा राकन ययन हकुजु दचिर्सि उ हङकङय रक कन्सर्ट मखे ।
केटा खर्चालु जुउजु । जन्त नापलत यर्ङ यल्पनुङ आम्त निजाय गत्केङ परिकारपेन तयार यङन विउजु आमुन थउ स्वभाव अनुरुप हकुजु जन ल्यासमिसात उ मनपरईजुर । आमुन उ नय रुच्यातई… । हाति जिन आम्तङ उ नय चिजपेन येङन बि फरगीरा ? जिन ङेन्गी छिपे निस्मा प्रेमी खेङरा ? इमान्दारीता साथ जवाफ विउजु , हङकङलान बोन्द यउ विद्यार्थीपेन वल्तेचा दउजु । आमे उकु गुनु थौ मी मदौजु । आमत जिन साथ बिमल ।

आम सत्ननु आम केटा खेन्न एकोरोइजुयन चोङ्गुजु । आमे लागिन् हाति हाति यङन विइ फरगी हङन सोचेङन चोङ्गुजु । आमुन थौ पुरा मन आम मीसामीत वियन तौजु । आमुन सत्ननु आम्त थौ दोखुताङ बिइ चाहैजुजु । जन तातान आमत ढ्यावा छुछाउजुजु । आमुन खर्च काटेङन ढ्यावा जोग्याकुजु हो मीसामीय लागिन् वास्ती ङ्याङन विउजु ।

मीसामीय लागिन् हङकङ फर्पुलित टिकट कायन विउजु । आमत छोय हवाइ टिकटटुल्के गोप्य रुपन ढ्यावा फिर्ता काउजु आले निस्माय लागिन् रेलय टिकट ङ्याकुतन जु । मीसामीय मोवाइल फोन ज्यमेयत्ङ थौतु फोन विउजु । मीसामीय बुदिनकु आमुन रङ्गीचङ्गी भोरपेन ङ्याकुजु । चच्छीकु भोरपे तारा दकेउजु । आमुन सिसि थिकाके थिकाके भोरय तारापेन दकेउजु ।

बेस्न वा यरङ सिन मीसामीत खोगौ लगैजुर हङ क्वाकु च्या दके तोन्केउजु । थिनु चिकौलाकु मीसामीय लागिन् विद्युतिय सिरक म्वालित गत्केङ ठाई डुलेङ जन्त याद दमु । तापलाकु पाती ख्यारीत गत्के उपाय ल्याकुजु । गुल्प विद्युतिय उपकरण गुल्प जीउकु दलेङ मलम हायन विउजु ।
जन्त आम प्रति गत्केङ दया लगैजुजु । जिन आम्त सम्झ्यारीउरी कोसिश यत्की । थिम्ह मीसामीय लागिन् उली गत्के मरिहत्ते दयत । इनागु सम्वन्ध गत्केथे लिवि ओङन असफल जुर । उ बास्तविक खेङजु । जिन आमत मन प¥यातगी यउ मूल्यकु आम्त नाप्लरी चाहेतगी ।
आपिस्न साङघाइकु थौ प्रेमत शुरुवात यत्हीन् ।

आपेन नापतु किनाराकु चोङन खोत सोउजु । चच्छीङ आन्थितु वित्यारी फौजु । गुल्प भूमिगत रेलस्टेसनय सपिङ स्टेसनक पुरा दिन वित्याकुजु । सस्तो नय चिज मिय पसलकु मन लगैजु परिकार टन्न नउजु । थिमान मेबुय लाहा जोङन वाङज्याकुय बन्दरगाहाकु ओङन प्राचीन चिनिया शैलीकु वास्ती सुकेउतनजु, किपा काकेतनजु हो आम्त थौ मोवाइल फोनकु सज्याकुतुजु । इसी हाखेनतु मग्न जुयन मायाय खँ लाउतन । थिनु दुस्साहस यङन आपिस्न जनकु रात वित्यारी फरनरा हङन ङेन्जु । जिन तुरुन्त अस्वीकार यत्की । केटा भात्चा राक यङन हत्चु यसी नापतु मडिन्जु । खाली गफ जुकुन यगतु । जिन हत्की आन्थी हर्स ठिक खेङ । जिननु छिपेनाप खँलारगी गफ यङनतु आपिस्न रात वित्यात्हीन् । जन्त हाति थाहा दौजु थिमान मेविस्त थुकेइत आपे दुपान गत्के खँ दौजुन ।

जिन गसान आम मिसामीत स्वीकार यरी म्वाल्गी । जिन आम्त जनकु जानइत सत्तर्गी । बाँलकु उपहारपेन विर्गि । छुट्टीकु हङकङ ङुइत टिकटपेन ङ्याङन विर्गी । जिन मन्द स्वरकु आम ओन्सात हत्की आम छन नाप आसक्त जुयन थोचो हङन आम मीसामीत बाँलकु व्यवहार यङ खेङ, थुर्मुन ? ओन्सा मायालुजुजु । आन्टी, इसिन् व्याहा यरी हकुजु आमुन ।

उ थिगुर चोखो, सुन्दर हो अवरोध विनाय प्रेम दौजु आम जोडीन नक्क तुनी बीस बसन्त पार यङन तौजु । मीसामीय ख्वालकु ठाँइ ठाँइकु डण्डीफोर ययन चोङ्गुजु । ओन्सामीय मुथुसीदेपान गोसय रेखी चोङन चोङ्गुजु । ल्यास्मा जुइत थौकुतु सुन्दरजुजु । आम देपान प्रेमकु परैजुइरी झन अनुपम ।

तर आम साल आपे ब्वइरी समाप्त जुइ टेङगुजु । ओन्सामीन थिनु चानस जन्त फोन यङन हत्चु आन्टी, जिन ताउइजु ग्रान्ड हायातय छत देपानलान् सोर्ङ बेस्न मोहक दृष्य खोइदम । आमे इनागु खँ तायन जि अत्तालैजुयन आमे कुठा थेन्कग् ि। आम्कु थेङन जिन सिर्गि छुट्टीकु मीसामी हङकङ फर्पुलेजुन हो थिम्ह पूरान नाम ब्वङ्गुनाप हङकङकुतु हिमखिम बढ्याङन चोङ्गुजु । ओन्सामीन आम खँ सियन पागल जुयन चोङ्गुजु । मीसामीय न्हुलु प्रेमी थिम्ह भान्छे दौजु ।

आन्टी आम हात्त थिम्ह भान्छे नाप ओन्गु ? जिन हाति हरि फरगी ? छि क्याम्पस बोङ्गु विद्यार्थी जुजुउन । आम थिम्ह भान्छे । तर प्रेमकु इनागु हातिङ खँन असर मयत । आमत आम ओन्सामी मन परैजुर । आम्तु मुल कारण ज्यउ ।

उ दँ वेस्न खोगौ हिउँदकु आपे सम्वन्धङ गत्केङ खोगौ विन्दुकु थेन्जु । चिकौलाय छुट्टीकु आपेन हङकङ फर्पुल्हीन । ओन्सामी इत्तङ रेलय टिकट कार्जु । रेलकु ओन्सामी निस्तलाय लासाकु थाविय खण्डकु डिन हर्स मीसामी कोविय खण्डकु डिन । बल्लीय अन्धकारकु ओन्सामीन सोचेत्चु साङघाइकु वितैजु पिदँ आम जन नाप नजिक जुर हात्त हर्स आम यार्कचा जुजु । आउ इसिन साङघाइ त्वारतइ धोन्गु हो इसी प्रेम कथाङ समाप्त जुर ।

आमुन जन्त चिठ्ठी चोर्जु आन्टी जिन भविष्यकु साङघाइत लुवन्के चोइ जन जीवन भरी जन प्रेमबाखन आकु म्वाङन चोयङ …….।

Written by 

Related posts

Leave a Comment

error: Content is protected !!