Search

नेकपा माओवादी केन्द्रले बोलायो केन्द्रीय समितिको बैठक साउन २० मा

नेकपा माओवादी केन्द्रले बोलायो केन्द्रीय समितिको बैठक साउन २० मा

६ साउन, बाँपीझ्याला, काठमाडौं । नेकपा (माओवादी केन्द्र) ले साउन २० गते केन्द्रीय समितिको बैठक बोलाएको छ । आज बुधबार बसेको पार्टीको स्थायी समितिको बैठकले साउन २० गते केन्द्रीय समिति बैठक बोलाउने निर्णय गरेको नेता नारायणकाजी श्रेष्ठले बताउनु भयो । त्यसअघि साउन १७ गते स्थायी समितिको बैठक पनि बोलाएको छ ।

माओवादीको बैठकले सत्तारुढ गठबन्धनको न्यूनतम साझा कार्यक्रम छिटोभन्दा छिटो तय गर्न आग्रह गरेको छ । बैठकले विगतको सरकारले देखाएको आचरण अबको गठबन्धनको सरकारले देखाउनु नहुने र विगतमा गरिएका प्रतिवद्धता अनुरुप अगाडि बढ्नुपर्नेमा जोड दिएको पनि नेता श्रेष्ठले बताए ।

‘गठबन्धनको सरकारलाई न्यूनतम साझा कार्यक्रम वा साझा प्रतिवद्धताहरु मार्फत अगाडि बढाउनुपर्ने भएकोले छिटोभन्दा छिटो गठबन्धनका पार्टीहरु सम्मिलित भएर एउटा न्यूनतम साझा कार्यक्रम वा हाम्रा साझा प्राथमिकताका कार्यक्रमहरु र प्रतिवद्धताहरु तुरुन्तै तय गर्न पार्टीले आह्वान गरेको छ’ वहाँले बताउनु भयो ।

Written by 

Related posts

Leave a Comment

error: Content is protected !!