Search

सिन्धुपाल्चोक थेङन कलाकार पिसिन् छेँ दकेविई हङन लिपुर्हिन

सिन्धुपाल्चोक थेङन कलाकार पिसिन् छेँ दकेविई हङन लिपुर्हिन

बाँपीझ्या, येँ । बाढीय कारणन् सिन्धुपाल्चोक जिल्लाय मेलम्ची, हेलम्वु, दनुवारबस्ती सुत्ताय ठाँईपेन प्रभावित जुयन चोन । गत्केयथे मिपे थउ छेँतु पुरेङन तरै हर्स गुलीय छेँ चुयन यन्जु । उतु खँकु कलाकारपिसिन् नय सामानपेन व फिय वास्तीपेन जोङन ग्वाहार यरीत आकु थेन्जु । ईथितु पिडित स्थानिय वासिन्दापिसिन थउ त नईत व फित सोयनुङ चोईत छेँय आवश्यक दमु हङ खँ हङन ययन चोनहिन् ।

बाढी वङन्ली कलाकारपिसिन् “सिन्धु सहयोग कोष” थापना यङन ग्वाहार ग्वारमुङ खेउ । उ कोषकु कलाकारपिसीनतु ३२ लाख टाका ग्वारमुई धोङ खँ सिदत ययन चोन । उतु दातिकु कलाकारपिसिन् उतु ढ्यावा न छेँ दकेईरी ज्य खँ शुरु यरी टेङ खँ सिदत ययन चोन । नक्कतुनी सिन्धु सहयोग कोषय खलकपेन सिन्धुपाल्चोक थेङन लिपुलेन चोनहिन् ।

ईथितु कलाकारपिसिन् दनुवारवस्तीय छेँ दकेईरी खँ सिदत ययन चोन हङन ग्वाहार यकु खलकय संयोजक थाकती भाजु कृष्ण मल्ल न थउ खँ पित हायन तरै । तर गुल्गर छेँ दकेईरी हङ खँ री पित हायन मतउनी । उ पतकन कदाकारपेन थनुवारबस्ती व हेलम्बु थेङन लिपुले खँ सिदत ययन चोन ।

दनुवारवस्तीकु हाखेन १९ गर छेँ थउ जुयन चोन । ईथितु पहिला पतक न दनुवारबस्तीकु तु छेँ दकेईरी खँ चलई जुयन चोन्गु सिदत ययन चोन । आकुलान्ली मेलेय छेँ दकेईरी खँ जुयन चोन हङन खलकय संयोजक भाजु मल्लय खँ दमु । मल्लन हाखेन हङन दिरहिन् निस्टोय पक्की छेँतु तकेइरी खँ जुयन चोन ।

आमे लागिन् १० लाख टाका मल रा हङन अनुमान यङ खँङ पित हायन तरै । वय लागिन् स्थानिय सरकार न जग्गा उपलब्ध यत्के वियन्ली छेँ दकेईरी खँ दउ खँ सिदत ययन चोन ।

आउ कलाकारपे नाप जुकुन ढ्यावा ग्वाहार फोन्सङ वय नाप नापङ सिन्धुपाल्चोकय व्यापारीपे नापङ सल्लाह यरीउरी खँ जुयन हङन ग्वाहार खलकय संयोजक मल्ल न सिके दिरहिन् ।

Written by 

Related posts

Leave a Comment

error: Content is protected !!