Search

त्रिभुवन विश्वविद्यालयले रोकिएका सबै परीक्षा साउनमै सक्ने

त्रिभुवन विश्वविद्यालयले रोकिएका सबै परीक्षा साउनमै सक्ने

०८ असार, बाँपीझ्याला, काठमाण्डौं । कोभिड १९ को दोस्रो लहर बढेसँगै त्रिभुवन विश्वविद्यालयको परीक्षाहरु स्थगित भएका थिए । निषेधाज्ञा सहज हुने वित्तिकै त्रिविले रोकिएका परीक्षा साउनभित्रै सकाउन तयारी थालेको छ । यसका लागि दुई दिनभित्र सूचना जारी गर्न लागेका परीक्षा नियन्त्रण कार्यालयले जनाएको छ ।

परीक्षा नियन्त्रक पुष्पराज जोशीले सुरुमा परीक्षा चल्दाचल्दै रोक्नुपरेका परीक्षा सञ्चालन हुनेछन् । त्यसको लगत्तै स्नातक प्रथम वर्षको परीक्षा हुने र यसका लागि दुई दिनभित्र सूचना जारी गर्न लागेको उनले जानकारी दिए ।

यस्तै, स्नाकोत्तर, वैशाखमै तालिका सार्वजनिक गरेको एलएलबी र नियमित तर्फको स्नातकको चौथो र पाँचौ वर्षको परीक्षा दशैँ अघि नै सकाउने कार्यालय जनाएको छ । यसका लागि अनलाइनबाटै फाराम भर्न मिल्ने व्यवस्था गरिएको छ भने विकसित घटनाक्रमलाई हेरेर विद्यार्थीले केन्द्र छान्न पाउने भएका छन् । हाल मुलुकमा कोरोनाको साथमा बाढी र पहिरो पनि आइरहेकोले समस्यामा परेका विद्यार्थीका लागि परीक्षा दिन मिल्ने वातावरण बनाइदिने नियन्त्रक जोशी बताउँछन् ।

स्वास्थ्य मापदण्ड पालना गरेर परीक्षा गराउन परीक्षा केन्द्र थप गरिने भएको छ भने प्रश्न पत्र कसरी पठाउने भन्नेबारे छलफल चलिरहको उनले जानकारी दिए ।

Written by 

Related posts

Leave a Comment

error: Content is protected !!