कल्पना श्रेष्ठ महर्जन
न चा कु बुर न सिमाकु सिर
उ गिनागुले खोइँमदौ किर,
यर धर्तीये मि पिस्त थिर,
न उइँ फरगु आम्त लिर,
बियेन् यर दोख्सेतं पिर,
उ गिनागु ओंसिमदौ किर ।
थउ मि नाप थउ ग्याङन,
थउ नुगर त थउ स्याङन्,
च्वइँमल्गु थउ छुट्याङन्,
गिब्लान् यर उ ज्याङन्,
न चा कु बुर न सिमाकु सिर
उ गिनागु खोइँमदौ किर ।
न ल्यास्मा उन् हतै न बुढा,
न मुचा हतै उ गिब्लान् लुर,
न खोइँदके उ थिगुरी उर,
काँकर मु थें तु नुगर मुर,
न चा कु बुर न सिमाकु सिर,
उ गिनागुले खोइँमदौ किर ।
ताकत दउ मि पिस्तङ यनै,
धन दउ पिस्तङ बल क्येनै,
मखे लोककु हातियरि टेनै,
वैद्य डाक्टर ये बलतु डेनै,
न चा कु बुर न सिमाकु सिर,
उ गिनागुले खोइमदौ किर ।
थउ कुठाकु थउ त तु कुङन्,
त्यालि मल्दन प्याटा फुङन्,
नइ तोइँ मदयेन् आँती सुङन्,
सत्तइ मजि साङत ग्वार्मुङन्,
न चा कु बुर न सिमाकु सिर,
उ गिनागुले खोइँमदौ किर ।
न डाक्टर न फरै उ लाकेइत,
न घाट कु जिर गान् फाकेइत,
न ङेङ्गु ड्वाकु सर ताकेईत,
न दमु नइत प्याटा खाकेइत,
न चा कु बुर न सिमाकु सिर,
उ गिनागुले खोइँमदौ किर ।
थिगुर उपाय क्वाकुलोखु त्वइँरी,
थउ कुठा दुपान सुम्मकें च्वइँरी,
हल्ली व पालौ लोखुकु म्वइँरी,
थउ जहान पिस्त बाँलस्के स्वइरी,
लापरबाही यर्स झन् ययेउ लिर,
उ ग्यार्दउ कोरोना भाइरस किर ।
–––––––––––––––––––––––––
२०७८/०२/१९
मांय् छेंः द्वाल्खा,
थउ छेंः येँ, लाजिम्पाट ।
