लौ दोखुसेतं हत्कि स्याउदाइ
यल्पनुं भिमसेन द्येउये नां काई,
जन्त वा लुवन थौ द्वाल्खा ठाइँ
लुवन निजा काँकरम्वार सिनाई ।
जन्त मान् थौ खँ स्येङन् तरै,
द्वाल्खा भाषा लाउ हङन् तरै
जन्त बा मान् मुल केङन् तरै,
यलेङ लाहा जोङन् यङन्,तरै
जन्त वा लुवन थौ द्वाल्खा ठाइँ
लुवन निजा काँकरम्वार सिनाई ।
गुल्प थेउइँ बुँकु गुल्प स्वाँराकु,
बान् सा यंगुजु तइत ब्वाराकु,
यिउ सिठु बुयेन् मि लिङाउजु,
पुलेन् यर्न घटसिकु थिखाउजु,
जन्त वा लुवन थौ द्वाल्खा ठाइँ,
लुवन निजा काँकरम्वार सिनाई ।
काँठापाङ, मलंसि नइत वंगुपे,
हाकुपाकु कर्बसि खाइत थेंगुपे,
हिलोकु मेथउपे या पिर्नसिन्,
गुलि रसताउपे थ्वों बिर्नसिन्,
जन्त वा लुवन थौ द्वाल्खा ठाइँ,
लुवन निजा काँकरम्वार सिनाई ।
च्वखज्ये येत्नवा प्याटा वाकु जु,
म्वार्टुलि बजि नर्न गुलि साकु जु,
गुलि न्यिलेन् वंगुपे फेर च्वन्नसिन्,
चिसलती थिलिबुँ खेन्न वन्नसिन्,
जन्त वा लुवन थौ द्वाल्खा ठाइँ,
लुवन निजा काँकरम्वार सिनाई,
लुवन थन्केसि मुचाताकुये खँ,
लितं उइँयर साङत थापरेय् दँ,
कोरोना हङ किरन् मुल पोन्जु,
गुरि दैवन् धर्तीकु हाती खोन्जु,
जन्त वा लुवन थौ द्वाल्खा ठाइँ,
लुवन निजा काँकरम्वार सिनाई ।
उ ब्यालाकु गिबिङ् उइँ मन्त,
गुल्प स्वइ माँये छें लुवन जन्त,
गिथि यरिले छें बुँ स्वाँरा लुवन,
ज्ये खँ हाति जुर नुगर पियें च्वन,
जन्त वा लुवन थौ द्वाल्खा ठाइँ,
लुवन निजा काँकरम्वार सिनाई ।
२०७८/०२/०६
थन्केसि:- लाजिम्पाट यें ।
