बालकृष्ण श्रेष्ठ “पासा“
यल्पनुङ् च्वन नुगरकु मान् बिय माया,
गुल्पनु माताँ मिखाकु मान् यङ माया,
थनु जुकुन् मखे ना जिन् मा त लुवंकेय,
थनु जुकुन् मखे ना माये ख्वाल स्वये ।
प्याटाकु तर्जु मान् गुला टुल्के जन्त,
धर्तिकु स्वर्जु मान् तुल्के बुल्के जन्त,
मान् तु खेङले लाङा व फर वँसिकेये,
थनु जुकुन् मखे ना जिन् मा त लुवंकेये ।
लुवन जन्छिकु निजा प्वा्रचियन् हाय,
लुवन चच्छितु डोङन् निरुङ् माकाये,
मान् यङन् लोककु दोखुनुङ् खोन्केये
थनु जुकुन् मखे ना जिन् मा त लुवंकेय ।
थउ प्याटा जन्छि चिउजु जन्त नकेइत,
खप्टुकु बुयन् यंगुजु प्याखनुङ् स्वकेइत,
लुवन थनु मफर्न लोखु क्वात्के त्वन्केये,
थनु जुकुन् मखे ना जिन् मा त लुवंकेय ।
थउ वान् प्यात्केन् जन्त कुसान् कुकेउजु,
थउ घार ट्वाप्चियन् जन्त वासर बुकेउजु,
लुवन मान् जन्त लाहान् आखरुं च्वकेये,
थनु जुकुन् मखे ना जिन् मा त लुवंकेय ।
मा हङ मा खेउँ संसारकु मेबु हातिङ मद,
दोखुसे हाखेन मा च्वङन् च्वङ खोइ थद,
ता..ची ता..ची हङन् लिङाकेइत स्येंकेय,
थनु जुकुन् मखे ना जिन् मा त लुवंकेय ।
यल्पनु च्वन नुगरकु मान् बिये माया,
गुल्पनु माताँ मिखाकु मान् यङ माया,
थनु जुकुन् मखे ना जिन् मा त लुवंकेय,
थनु जुकुन् मखे ना माये ख्वाल स्वये ।
भिमेश्वर नपा वडा ल्याखाः –२ द्वाल्खा
थन्केसिः– गोकर्णेश्वर –५ जोरपाटी
