Search

आमिरखान कोरोना संक्रमणलान् लायन्ली सोङ्गु किपाय लागिन् लद्दाख थेन्जु

आमिरखान कोरोना संक्रमणलान् लायन्ली सोङ्गु किपाय लागिन् लद्दाख थेन्जु

बाँपीझ्याला, एजेन्सी । बलिउडय थाकती (नायक) आमिर खान कोरोना संक्रमीत जुयन चोन्गुजु । तर कोरोनालाय संक्रमनलान् लायकत्ङ आमु थउ ज्यकु लिपुले सिदत ययन चोन । आमिर न म्येथय सोङ्गुकिपा “लाल सिंह चड्ढा” य छायाँकन लद्दाखकु शुरु जुयन चोन । आले आमुतु सोङ्गु किपाय छायाँकनय लागिन् थाकती आमिर खान लद्दाख थेङ खेङ ।

उ सोङ्गु किपाय छायाँकनजु टाहागउ व्यला जुई धोन्जु । तर कोरोनाय कारण यत्ङ छायाँकन धोन्केईत उ दकेउ खलक त गत्केङ ठाकय चोङ्गु खँ सिदत ययन चोन । लद्दाखकु आमिर खानन सोङ्गुकिपाय छायाँकन ४५ न्हि टुल्ले यरीउरी खँ दमु । सोङ्गुकिपाकु आमिरनाप मेव थाकती सेतुपतीनुङ ज्य खँ ज्य खँ यरीउरी खँ चलई जुयन चोन । तर विजय न सोङ्गुकिपाकु ज्य खँ मयङ्नली नाग चैत्य न आमु भुमीकाकु म्येथईरी खँ सिदत ययन चोन । आन्थितु नकिन (नायिका) करिना कपुरयङ मुल भूमीका दमु ।

उ सोङ्गुकिपा कारगिल युद्धय दृश्यय दृश्य सुरुवातकु पिदेशय ब्वकु जुउ खँ धोन्के तउजु । तर कोरोनाय कारण न सोङ्गुकिपाय छायाँकन लद्दाखकु शुरु यङ खँ पित हायन तरै । लद्दाखकु कारगिलय सेट दकेय सोङ्गुकिपाय छायाँकन यरी टेङ भारतिय मिडिया न थउ खँ पित हायन तरै । उ सोङ्गुकिपा हलिउड सोङ्गुकिपा “फोरेष्ट गम्प” य रिमेक खेउ खँ सिदत ययन चोन ।

Written by 

Related posts

Leave a Comment

error: Content is protected !!